Á árinu 2015 voru 219 slys á sjómönnum tilkynnt til Sjúkratrygginga Íslands. Um er að ræða 8% aukningu frá árinu áður en fækkun um 21% ef horft er til meðaltals áranna 2004 til 2014. Tilkynnt slys á sjómönnum á árunum 2000-2015 til Tryggingastofnunar Íslands og síðan SÍ eru samtals 4.820, en þróun í þessum efnum hefur verið mjög jákvæð undanfarin ár að mati Rannsóknarnefndar samgönguslysa.

Ný lög um rannsóknir á sjóslysum tóku gildi árið 2000 og síðan hefur tilkynntum slysum fækkað umtalsvert. Rannsóknarnefndin telur árangurinn að miklu leyti tilkominn sökum þess að útgerðir í landinu hafa tileinkað sér og innleitt öryggiskerfi í skipum sínum sem hafa borið mikinn árangur. Þá hafi Slysavarnaskóli sjómanna unnið gríðarlega mikilvægt starf og náð miklum árangri á þessum vettvangi.

Í ljósi þeirrar jákvæðu og ánægjulegu þróunar sem hefur verið á tilkynningum til RNSA undanfarin ár virðist sem skilningur aðila í sjávarútvegi á mikilvægi tilkynningaskyldu sé að aukast. Nefndin bendir sérstaklega á gagnsemi tölulegra upplýsinga og beinir því til sjómanna og útgerðaraðila að halda áfram að sinna tilkynningaskyldu sinni hér eftir sem hingað til.

Tengdar fréttir

Öryggi sjófarenda

Hafa þrjá mánuði til að bregðast við

• Siglingatækni Hefring í nýju björgunarskipin
• „Bjartsýnn á að allir leggist á eitt“
• Endurnýjun björgunarskipaflotans ekki örugg
• Samgöngustofa fái auknar sektarheimildir

» Fleiri tengdar fréttir

• Blogga um frétt