Vilhelm tók gullið

Vilhelm Þorsteinsson EA, uppsjávarskip Samherja, skilaði mestu aflaverðmæti íslenska fiskiskipaflotans á nýliðnu ári, að því er fram kemur í Fiskifréttum.

Heildaraflaverðmæti Vilhelms á árinu 2016 var 3.410 milljónir króna og er það aukning í aflaverðmæti um 9% frá fyrra ári.

Annar varð frystitogarinn Guðmundur í Nesi RE, sem fiskaði fyrir 2.642 milljónir, og bronsið tók frystitogarinn Kleifaberg RE með 2.511 milljónir króna, en Brim gerir bæði skipin út. 

Almennt dróst aflaverðmæti efstu skipa verulega saman milli áranna 2015 og 2016, annars vegar vegna styrkingar íslensku krónunnar og hins vegar vegna loðnubrests og lokunar Rússlandsmarkaðar fyrir uppsjávarafurðir.

• Blogga um frétt