Þórólfur Matthíasson, prófessor í hagfræði við Háskóla Íslands, telur að stjórnvöld gætu ákveðið að kvóti næsta árs skerðist um 5% fyrir hverja viku sem verkfall stendur lengur en átta vikur.

Innkallaðan kvóta mætti leigja út og nota andvirðið eða hluta þess til að bæta aðstöðu þeirra sveitarfélaga sem verða fyrir mestum skaða vegna verfallsins.

Þetta kemur fram í pistli Þórólfs á vefsíðu Kjarnans.

„Nú vill svo til að aðkoma stjórnvalda að rekstrarforsendum útgerðar er mun víðtækari en þegar flestar aðrar atvinnugreinar eiga hlut að máli. Árlega fá útgerðarfélög bréf frá Fiskistofu þar sem þeim er úthlutað rétti til veiða ákveðins magns af hinum ýmsu fiskitegundum. Ekkert bannar stjórnvöldum að skilyrða þá úthlutun sem fyrir dyrum stendur 1. september næstkomandi,“ skrifar Þórólfur.

„Þannig gæti ríkisstjórn og Alþingi ákveðið að kvóti næsta árs skerðist um t.d. 5% fyrir hverja viku sem verkfall stendur lengur en 8 vikur. Innkallaðan kvóta mætti síðan leigja út og nota andvirðið eða hluta þess til að bæta stöðu þeirra sveitarfélaga sem verða fyrir hvað mestum skaða vegna verkfallsins.“

Tengdar fréttir

Kjaraviðræður

Kjaradeilu vísað til ríkissáttasemjara

• Hægagangur og vaxandi ókyrrð
• Aðalsteinn snýr aftur í Karphúsið
• „Mætti ganga hraðar“
• „Okkur þykir Isavia fullrólegt“

» Fleiri tengdar fréttir

• Blogga um frétt