Sjómenn funduðu með ráðherra

Fulltrúar samninganefndar sjómanna ganga út úr sjávarútvegsráðuneytinu upp úr klukkan ...
Fulltrúar samninganefndar sjómanna ganga út úr sjávarútvegsráðuneytinu upp úr klukkan tíu í kvöld. mbl.is/Eggert Jóhannesson

Fulltrúar Samninganefndar sjómanna gengu út af fundi landbúnaðar- og sjávarútvegsráðherra laust upp úr klukkan tíu í kvöld. Fundurinn fór fram í sjávarútvegsráðuneytinu við Skúlagötu. Vildu þeir ekki tjá sig við blaðamenn mbl.is sem voru á vettvangi um hvað fram fór á fundinum.

Fulltrúar deiluaðila funduðu einnig í ráðuneytinu í gærkvöld og kváðust þá ekki heldur vilja tjá sig við fjölmiðla vegna gildandi fjölmiðlabanns í kjaradeilunni.

Frétt mbl.is: Gengu út án þess að tjá sig

Guðmundur Kristján Jónsson, aðstoðarmaður Þorgerðar Katrínar Gunnarsdóttur, landbúnaðar- og sjávarútvegsráðherra, staðfesti í samtali við mbl.is að ráðherra hafi rætt málin með fulltrúum sjómanna í kvöld en segir ekkert nýtt hafa í raun komið fram á fundinum, heldur hafi fólk aðeins verið að ræða málin og þá tillögu sem ráðherra bar upp í gær um að stjórnvöld geri grein­ingu á fjár­hags­leg­um af­leiðing­um þess ef gengið yrði að kröf­um sjó­manna um skatta­afslátt af fæðis­gjaldi. 

Þorgerður Katrín hefur sjálf ekki gefið færi á viðtali í kvöld. 

Samið hef­ur verið um öll mál í kjara­deil­u sjó­manna og út­gerðar­inn­ar nema um eitt atriði, það er varðar mögu­leg­an skatta­af­slátt af fæðis­pen­ing­um sjó­manna. 

Samninganefnd SFS hefur fundað og rætt málin í sínum húsakynnum í kvöld og bjóst Jens Garðar Helga­son, formaður SFS, við því þegar hann ræddi við mbl.is fyrr í kvöld, að samninganefnd þeirra myndi heyra í samninganefnd sjómanna seinna í kvöld

Frétt mbl.is: „Samningur kominn okkar á milli“

Í samtali við mbl.is fyrr í kvöld sagði Bryndís Hlöðversdóttir ríkissáttasemjari að ekki hafi verið boðað til sáttafundar né heldur tekin ákvörðun um hvenær svo verður. „Ég bara met það jafnóðum en það er ekki búið að ákveða neitt og ekkert víst að það verði í kvöld eða mögulega á morgun, ég bara veit það ekki enn þá,“ sagði Bryndís. „Ég er í góðu og reglulegu sambandi við aðila og muni bara meta það klukkutíma fyrir klukkutíma hvort það sé tilefni til að funda.“

mbl.is

Bloggað um fréttina

Afurð Dags. Meðalverð
Þorskur, óslægður 22.9.17 295,50 kr/kg
Þorskur, slægður 22.9.17 266,28 kr/kg
Ýsa, óslægð 22.9.17 226,21 kr/kg
Ýsa, slægð 22.9.17 215,59 kr/kg
Ufsi, óslægður 22.9.17 75,89 kr/kg
Ufsi, slægður 22.9.17 112,18 kr/kg
Djúpkarfi 15.9.17 141,00 kr/kg
Gullkarfi 22.9.17 105,58 kr/kg
Blálanga, óslægð 22.9.17 211,96 kr/kg
Blálanga, slægð 22.9.17 245,75 kr/kg

Fleiri tegundir »

22.9.17 Drífa GK-100 Plógur
Sæbjúga hraunpussa 1.635 kg
Samtals 1.635 kg
22.9.17 Hvanney SF-051 Dragnót
Skarkoli 2.958 kg
Ýsa 2.754 kg
Steinbítur 1.774 kg
Þorskur 702 kg
Karfi / Gullkarfi 164 kg
Skötuselur 134 kg
Langlúra 92 kg
Ufsi 70 kg
Samtals 8.648 kg
22.9.17 Þórshani BA-411 Sjóstöng
Þorskur 346 kg
Samtals 346 kg
22.9.17 Bliki ÍS-203 Landbeitt lína
Ýsa 1.254 kg
Þorskur 426 kg
Steinbítur 110 kg
Skarkoli 81 kg
Langa 38 kg
Skötuselur 8 kg
Keila 4 kg
Samtals 1.921 kg

Skoða allar landanir »