„Væri glapræði að fella þetta“

Samingaviðræður í Karphúsinu í nótt. Konráð fremstur í flokki.
Samingaviðræður í Karphúsinu í nótt. Konráð fremstur í flokki. mbl.is/Eggert

„Mér finnst hafa tekist vel til. Auðvitað er það alltaf þannig í samningum, að menn fara misánægðir frá borði,“ segir Konráð Þorsteinn Alfreðsson, varaformaður Sjómannasambands Íslands, um þá samninga sem tókust milli aðila í kjaradeilu sjómanna í nótt.

„En það náðist samkomulag án aðkomu þriðja aðila, það er fagnaðarefni. Við mælum hiklaust með því að menn samþykki þennan samning, því okkur finnst hann góður.“

Í samtali við mbl.is segir Konráð að erfitt sé að greina frá því í stuttu máli hvaða atriði í þessum samningi séu frábrugðin innihaldi þeirra tveggja samninga sem áður hafa verið felldir.

Fella „þetta djöfulsins drasl“

„Það komu inn ný atriði, í þennan kjarasamning, og ég er núna að undirbúa kynningu á þeim. Maður er í vandræðum með hversu djúpt maður á að fara í þetta áður en þetta er kynnt fyrir sjómönnum. Menn túlka það sem skrifað er svo misjafnlega.“

Segist hann til dæmis hafa brugðið sér inn á einn af Facebook-hópum sjómanna fyrr í dag.

„Þar snerist umræðan bara um að fella „þetta djöfulsins drasl“. Sumir virðast ekki kynna sér neitt heldur túlka hlutina út og suður, einblína kannski á eitt atriði og segja „fellum þetta“. Þetta er viðhorf sem er ömurlegt, en vegna þessa vil ég kynna mönnum þetta beint og milliliðalaust, en ekki segja of mikið þangað til.“

Ofboðslega margt í húfi

Konráð keyrði aftur norður í nótt, eftir að samningar tókust, og mun kynna helstu atriði samningsins í menningarhúsinu Hofi á Akureyri klukkan fimm á eftir.

Spurður að lokum, hvort hann telji líklegt að samningurinn verði samþykktur í atkvæðagreiðslu sjómanna á morgun, segist Konráð vongóður.

„Það væri að okkar mati glapræði að fella þetta. Það er svo ofboðslega margt í húfi.“

mbl.is
Afurð Dags. Meðalverð
Þorskur, óslægður 24.11.17 280,56 kr/kg
Þorskur, slægður 24.11.17 224,30 kr/kg
Ýsa, óslægð 24.11.17 277,27 kr/kg
Ýsa, slægð 24.11.17 291,73 kr/kg
Ufsi, óslægður 24.11.17 119,30 kr/kg
Ufsi, slægður 24.11.17 170,38 kr/kg
Djúpkarfi 16.11.17 35,00 kr/kg
Gullkarfi 24.11.17 194,63 kr/kg
Litli karfi 1.11.17 9,00 kr/kg
Blálanga, óslægð 24.11.17 283,00 kr/kg

Fleiri tegundir »

24.11.17 Þorlákur ÍS-015 Dragnót
Ýsa 74 kg
Skarkoli 54 kg
Samtals 128 kg
24.11.17 Blíða SH-277 Plógur
Sæbjúga /Hraunpussa 1.928 kg
Samtals 1.928 kg
24.11.17 Dúddi Gísla GK-048 Línutrekt
Þorskur 2.658 kg
Steinbítur 155 kg
Langa 151 kg
Ýsa 19 kg
Keila 15 kg
Karfi / Gullkarfi 4 kg
Samtals 3.002 kg
24.11.17 Hoffell SU-080 Flotvarpa
Kolmunni 681.123 kg
Kolmunni 447.977 kg
Samtals 1.129.100 kg

Skoða allar landanir »