Byrjað er að telja greidd atkvæði í atkvæðagreiðslu sjómanna um þann kjarasamning sem samninganefndir þeirra og SFS samþykktu aðfaranótt laugardags.

Eins og greint var frá fyrir stundu hafa viðmæl­end­ur mbl.is á staðnum tekið í sama streng og marg­ir þeir for­svars­menn sjó­manna sem blaðamenn mbl.is hafa tekið tali í dag, tví­sýnt sé um niður­stöður kosn­ing­anna.

Gert er ráð fyr­ir að niðurstaða liggi fyr­ir á ní­unda tím­an­um, en talningin fer fram í húsakynnum ríkissáttasemjara, eða í Karphúsinu svokallaða.

„Ekkert til að hittast yfir“

„Ég trúi því að menn nái kjara­samn­ingi og að við verðum með samn­ing, en ekki lög, yfir okk­ur næstu tvö árin,“ sagði Konráð Þorsteinn Alfreðsson, varaformaður Sjómannasambands Íslands, í samtali við mbl.is fyrr í dag.

Ef samn­ing­ur­inn verður felld­ur, seg­ir hann að lítið muni ger­ast.

„Annað en það að Þor­gerður Katrín mun leggja fram frum­varp um lög á sjó­menn,“ sagði Konráð og bæt­ti við, aðspurður, að deiluaðilar muni lík­lega ekki koma sam­an aft­ur í bráð, verði samn­ing­ur­inn felld­ur.

„Það er ekk­ert til að hitt­ast yfir. Við vor­um kom­in al­veg í botn í þessu máli. Það er ekk­ert meira í boði.“

Tengdar fréttir

Kjaramál sjómanna

SVG og VM samþykktu samninginn

• Segir samninganefnd vélstjóra sniðgengna
• Felur í sér styttri vinnuviku og aukið mótframlag
• Vélstjórar undirrituðu samning við SFS
• „Ekki kjörstaða að vera í“

» Fleiri tengdar fréttir

• Blogga um frétt