Endurbótum á Seyðisfirði að ljúka

Fiskvinnslustöðin á Seyðisfirði er nú að mestum hluta komin í bláa og hvíta Síldarvinnslulitina, en áður var húsið rautt á lit auk þess sem farið var að sjá á klæðningunni og þakið var í slæmu ásigkomulagi. Þá hefur verið unnið að ýmsum öðrum umbótum á húsinu og hefur það tekið stakkaskiptum.

Á vef Síldarvinnslunnar er haft eftir Adolf Guðmundssyni, rekstrarstjóra á Seyðisfirði að ánægjulegt sé að stöðin sé að fá nýtt og betra útlit. Hún sé áberandi hús í bænum og útlit þess skipti miklu máli. 

Meðal þess sem gert hefur verið fyrir húsið fyrir utan málun er að setja nýja einangrun og þá hafa þak og veggir verið klæddir með viðhaldsfríu stáli.

Húsið var áður í rauðum og gulum lit með þaki í mismunandi lit. Mynd/Ómar Bogason

• Blogga um frétt