LungA fær hús að gjöf frá Síldarvinnslunni

LungA hefur sett svip sinn á bæinn síðustu ár.
LungA hefur sett svip sinn á bæinn síðustu ár. mbl.is/Steinunn Ásmundsdóttir

Síldarvinnslan hefur fært listaskólanum LungA á Seyðisfirði að gjöf gamla netagerðarhús fjarðarins. Húsið er stórt en gamalt og þarfnast verulegs viðhalds, að því er fram kemur í tilkynningu frá Síldarvinnslunni.

LungA er alþjóðlegur listaskóli sem hefur fest rætur og setur mikinn svip á bæjarlífið á Seyðisfirði yfir vetrarmánuðina.

Haft er eftir skólastjóranum Lasse Høgenhof að ómetanlegt sé fyrir skólann að eignast gamla netagerðarhúsið.

„Það er draumur að rætast með því að skólinn eignist þetta hús og við erum Síldarvinnslunni afar þakklát fyrir gjöfina. LungA–skólinn hefur starfað í þrjú ár og hefur vaxið og dafnað,“ segir Lasse.

Frá vinstri: Gunnar Sverrisson verksmiðjustjóri, Lasse Høgenhof skólastjóri, Gunnþór B. ...
Frá vinstri: Gunnar Sverrisson verksmiðjustjóri, Lasse Høgenhof skólastjóri, Gunnþór B. Ingvason framkvæmdastjóri og Snorri Jónsson framleiðslu- og yfirverkstjóri. Ljósmynd/Hákon Ernuson

Gott að húsið komi að gagni

„Innan skólans er sinnt alls konar list og eitt af því sem skólinn þarf er mikið rými og það fáum við í gamla netagerðarhúsinu. Í húsinu verður komið upp fjölbreyttum vinnustofum sem munu nýtast skólanum afar vel. Auðvitað er húsið gamalt og það þarf að bæta útlit þess en það er verkefni sem þarf að fást við síðar. Það er í einu orði sagt frábært fyrir skólann að fá þessa gjöf.“

Gunnþór B. Ingvason framkvæmdastjóri Síldarvinnslunnar segir þá ánægjulegt að gamla netagerðarhúsið geti komið að gagni.

„Við höfum fylgst með starfi Lunga–skólans og það er einstaklega metnaðarfullt. Síldarvinnslan vill styðja við bakið á skólanum og hvetja hann til góðra verka og það er frábært að geta orðið að liði og stuðlað að eflingu hans. Það er okkar von að skólinn dafni og honum nýtist þetta húsnæði til kennslu og listsköpunar.“

mbl.is
Afurð Dags. Meðalverð
Þorskur, óslægður 16.10.17 266,06 kr/kg
Þorskur, slægður 16.10.17 313,89 kr/kg
Ýsa, óslægð 16.10.17 264,54 kr/kg
Ýsa, slægð 16.10.17 253,46 kr/kg
Ufsi, óslægður 16.10.17 92,84 kr/kg
Ufsi, slægður 16.10.17 92,47 kr/kg
Djúpkarfi 15.9.17 141,00 kr/kg
Gullkarfi 16.10.17 139,34 kr/kg
Blálanga, óslægð 16.10.17 210,14 kr/kg
Blálanga, slægð 16.10.17 249,20 kr/kg

Fleiri tegundir »

17.10.17 Björgvin EA-311 Botnvarpa
Þorskur 3.120 kg
Grálúða / Svarta spraka 921 kg
Karfi / Gullkarfi 546 kg
Hlýri 298 kg
Samtals 4.885 kg
17.10.17 Steinunn SH-167 Dragnót
Ýsa 3.113 kg
Skarkoli 1.956 kg
Þykkvalúra / Sólkoli 56 kg
Ufsi 40 kg
Steinbítur 23 kg
Samtals 5.188 kg
16.10.17 Ásdís ÍS-002 Dragnót
Ýsa 2.050 kg
Skarkoli 861 kg
Ufsi 85 kg
Þykkvalúra / Sólkoli 47 kg
Lúða 21 kg
Steinbítur 16 kg
Samtals 3.080 kg

Skoða allar landanir »