Hafnarbætur á Akranesi verði undirbúnar

Á mögulegri landfyllingu er reiknað með að HB Grandi byggi ...
Á mögulegri landfyllingu er reiknað með að HB Grandi byggi upp aðstöðu.

Stjórn Faxaflóahafna sf. samþykkti á fundi sínum á miðvikudag að fela Gísla Gíslasyni hafnarstjóra að halda áfram tæknilegum undirbúningi hafnarbóta á Akranesi og gera ráð fyrir þeim í framkvæmdaáætlun þegar ljóst yrði að af þeim gæti orðið.

Samhliða óskaði stjórnin eftir því að Akraneskaupstaður annaðist nauðsynlega skipulagsvinnu vegna þeirra tillagna sem liggja fyrir í samantekt um starfsemi, skipulag og þróun Akraneshafnar.

Í samþykktinni vísar hafnarstjórn til þeirrar umræðu sem átt hefur sér stað varðandi starfsemi HB Granda hf. á Akranesi.

Árið 2007 samþykkti stjórnin að fyrirtækið væri reiðubúið til framkvæmda sem myndu tryggja bætta starfsaðstöðu HB Granda á Akranesi, með þeim fyrirvara að skipulag svæðisins heimilaði umræddar framkvæmdir og að samkomulag lægi fyrir milli Faxaflóahafna sf. og HB Granda um verkefnið.

Í október árið 2014 var stjórn Faxaflóahafna sf. kynnt aðstöðuþörf HB Granda hf. á Akranesi og á fundi í nóvember sama ár var hafnarstjóra falið að kynna Akraneskaupstað og HB Granda hugmyndir að útfærslu mögulegra framkvæmda.

Langisandur á Akranesi.
Langisandur á Akranesi. mbl.is/Kristinn Magnússon

Raunhæft að byggja 40.000 fermetra landfyllingu

„Á fundi stjórnar í apríl 2015 voru frumtillögur lagðar fram og samþykkt að kynna þær HB Granda og Akraneskaupstað. Í viðræðum við Akraneskaupstað og HB Granda var með sama hætti og árið 2007, tekið jákvætt í óskir um landfyllingu og bætta aðstöðu innan hafnar að því tilskildu að fyrir lægi samkomulag aðila og að skipulag heimilaði umræddar framkvæmdir,“ segir í samþykktinni.

Fyrir fund hafnarstjórnar á miðvikudagsmorgun var lögð fram samantekt Gísla Gíslasonar um starfsemi, skipulag og þróun Akraneshafnar. Þar kemur m.a. fram að raunhæft sé að byggja um það bil 40.000 fermetra landfyllingu með tilheyrandi sjóvörn. Kostnaður við landfyllinguna er gróflega metinn án virðisaukaskatts um 1,2-1,3 milljarðar króna en á móti komi að við úthlutun lóðar yrðu greidd af henni lóðagjöld.

Á landfyllingunni verða skipulagðar lóðir fyrir starfsemi HB Granda, m.a. fyrir fiskvinnsluhús, frystigeymslu og uppsjávarvinnsluhús. Þá yrði ráðist í fleiri framkvæmdir til þess að bæta aðstöðuna í Akraneshöfn og auka öryggi í höfninni.

Afurð Dags. Meðalverð
Gellur 6.12.17 706,00 kr/kg
Þorskur, óslægður 17.12.17 208,18 kr/kg
Þorskur, slægður 17.12.17 232,37 kr/kg
Ýsa, óslægð 17.12.17 231,06 kr/kg
Ýsa, slægð 17.12.17 229,68 kr/kg
Ufsi, óslægður 17.12.17 65,85 kr/kg
Ufsi, slægður 17.12.17 77,36 kr/kg
Djúpkarfi 7.12.17 79,00 kr/kg
Gullkarfi 17.12.17 196,50 kr/kg
Litli karfi 14.12.17 0,00 kr/kg

Fleiri tegundir »

17.12.17 Jónína Brynja ÍS-055 Landbeitt lína
Ýsa 796 kg
Þorskur 545 kg
Samtals 1.341 kg
17.12.17 Fríða Dagmar ÍS-103 Landbeitt lína
Þorskur 1.078 kg
Ýsa 531 kg
Steinbítur 23 kg
Samtals 1.632 kg
17.12.17 Otur Ii ÍS-173 Landbeitt lína
Þorskur 4.053 kg
Ýsa 2.011 kg
Steinbítur 29 kg
Ufsi 25 kg
Karfi / Gullkarfi 18 kg
Skarkoli 1 kg
Samtals 6.137 kg
17.12.17 Guðbjörg GK-666 Lína
Ýsa 280 kg
Þorskur 35 kg
Keila 28 kg
Skata 16 kg
Karfi / Gullkarfi 4 kg
Samtals 363 kg

Skoða allar landanir »