Orðið fyrirmynd að frumkvöðlastarfi

Fimm ára afmæli frumkvöðlasetra Sjávarklasans var fagnað í dag í Húsi sjávarklasans. Frumkvöðlastarfið hefur verið öflugt frá upphafi í Húsi sjávarklasans og nú er það orðið fyrirmynd að frumkvöðlastarfi annars staðar.

Í fréttatilkynningu segir að þau 35 fyrirtæki, sem hafa haft aðstöðu í frumkvöðlasetrunum hafa sótt áhættufé til fjárfesta og hafa um 12 þessara fyrirtækja fengið fjárfesta með sér í lið. Þá hafa fyrirtækin samanlagt í hyggju að fjárfesta í tækni, öðrum búnaði eða rannsóknum fyrir vel á fjórða milljarð króna.

Í tilkynningu segir að frumkvöðlasetrið hafi verið sett á laggirnar með tilstyrk samstarfsaðila.

„Þessir bakhjarlar hafa stutt okkur öll þessi ár og gert okkur kleift að halda þessu góða starfi úti sem svo margir hafa notið góðs af. Það hefur verið ómetanlegt,“ segir í tilkynningu.

Þar segir jafnframt að frumkvöðlastarfið hafi verið öflugt frá upphafi í Húsi sjávarklasans og nú er það orðið fyrirmynd að frumkvöðlastarfi annars staðar.

Í Húsi sjávarklasans í dag var árangur setranna rifjaður upp og  samstarfið við bakhjarlana sem eru  Brim, Eimskip, Icelandair Cargo og Mannvit. Þorgerður Katrín Gunnarsdóttir sjávarútvegsráðherra afhenti þeim sérstaka viðurkenningu í Húsi sjávarklasans í dag.

Þeir sem sögðu frá sínum verkefnum voru Garðar Stefánsson sem var einn af stofnendum Norðursalts, Snorri Hreggviðsson í Margildi, Þórdís Wathne frá Reykjavík Foods og Stefán P. Jones í Seafood IQ.

Frá athöfninni í dag. mbl.is/Eggert Jóhannesson

• Blogga um frétt