Pökkuðu 65 tonnum af ferskum laxi

Starfsfólk Arnarlax setti mögulega nýtt Íslandsmet á Bíldudal síðasta fimmtudag, er það vann og pakkaði 65 tonnum af ferskum vestfirskum laxi.

Í fréttatilkynningu frá fyrirtækinu segir að nokkur framleiðslumet hafi verið sett á undanförnum vikum, en fimmtudagurinn í síðustu viku standi þó upp úr.

Tonninn 65 eru sett í sett í annað samhengi í tilkynningunni, þar sem segir að segja megi að þetta séu um 230 þúsund máltíðir að verðmæti 60 milljóna króna. „Það gera um 60 þúsund krónur á hvern íbúa í Vesturbyggð, bara á þessum eina degi.“

Arnarlax er eitt stærsta laxeldisfyrirtæki landsins og tók til starfa árið 2009. Hjá fyrirtækinu vinna nú um 130 manns. Fyrir rúmu ári slátraði starfsfólk Arnarlax á Bíldudal svo fyrsta laxinum.

Fyrirtækið framleiddi í fyrra ein 6.000 tonn og stefnir á að framleiða 10.000 tonn í ár.

• Blogga um frétt