Matvælastofnun bregst við laxalús

Matvælastofnun.
Matvælastofnun. mbl.is/Sigurður Bogi

Matvælastofnun hefur samþykkt umsókn um lyfjameðhöndlun til varnar laxalús í sjókvíum í einni eldisstöð í Arnarfirði.

Í tilkynningu frá stofnuninni segir að meira hafi verið af laxalús að undanförnu en í hefðbundnu árferði vegna mikilla hlýinda í vetur. Aðgerðirnar miða að því að fyrirbyggja uppsöfnun laxalúsar í sumar. Þetta er í fyrsta sinn frá því á níunda áratugnum sem gripið hefur verið til lyfjameðhöndlunar gegn laxalús á Íslandi.

Lúsatalningar einnar sjókvíaeldisstöðvar í Arnarfirði í vor sýndu aukið magn af laxalús. Í vetur hafa aðstæður í sjó verið óvenjulegar vegna mikilla hlýinda. Sem dæmi var meðalhiti sjávar í Arnarfirði 3,5°C í febrúar á þessu ári en 1,5°C á sama tíma í fyrra.

„Matvælastofnun fór í eftirlit á stöðinni eftir að stofnuninni bárust þessar upplýsingar, ásamt beiðni stöðvarinnar um að fá að meðhöndla fiskinn í stöðinni gegn laxalús. Stofnunin mat ástandið þannig að tilefni væri til að grípa inn í og fyrirbyggja að smitið nái að magnast upp með hækkandi sumarhita. Skoðun á eldisfiski staðfesti að lúsin kom sterk undan vetri en að fiskurinn væri heilbrigður og hraustur að öðru leyti. Því var ákveðið að fiskur í stöðinni yrði meðhöndlaður til varnar frekara lúsasmiti,“ segir í tilkynningunni.

„Með þessari fyrirbyggjandi aðgerð nást góðar aðstæður fyrir þau seiði sem fara í kvíar í vor og einungis verður eftir hið náttúrulega smitálag, sem fylgir villtum sjóbirtingi sem gengur í og um Arnarfjörð. Einnig er komið í veg fyrir að lúsin nái sér á strik í sumar og geta rekstraraðilar þá beitt öðrum forvörnum, eins og ráðgert hefur verið, þ.á.m. hrognkelsum sem éta lús.“

Fram kemur að laxalús teljist til náttúruleg umhverfis fiska í sjókvíaeldi og til villtra laxfiska. Vandamál tengd henni hafa ekki verið til staðar hérlendis enda hafa aðstæður ekki verið hagstæðar henni til vaxtar og fjölgunar.

„Íslensk löggjöf gerir hvorki kröfu um vöktun né talningu á lús en gerð er krafa um lúsatalningu í gæðavottunum sem flest sjókvíaeldisfyrirtæki hafa sótt um. Árið 2014 hófst vinna hjá Matvælastofnun við að útbúa leiðbeiningar um vöktun á lús. Leiðbeiningarnar eru í mótun en þær hafa það að markmiði að samræma verklag við talningu til að tryggja velferð fisks við framkvæmdina og samkvæmt þeim skal talningum skilað til Matvælastofnunar. Með vaxandi hitastigi sjávar þarf að vera á varðbergi gagnvart laxalús og fylgist stofnunin áfram með þróun mála.“

mbl.is
Afurð Dags. Meðalverð
Þorskur, óslægður 22.5.17 193,10 kr/kg
Þorskur, slægður 22.5.17 235,49 kr/kg
Ýsa, óslægð 22.5.17 245,88 kr/kg
Ýsa, slægð 22.5.17 214,79 kr/kg
Ufsi, óslægður 22.5.17 75,28 kr/kg
Ufsi, slægður 22.5.17 100,01 kr/kg
Djúpkarfi 22.3.17 44,00 kr/kg
Gullkarfi 22.5.17 87,62 kr/kg
Blálanga, óslægð 22.5.17 236,00 kr/kg
Blálanga, slægð 22.5.17 195,27 kr/kg

Fleiri tegundir »

22.5.17 Drífa GK-100 Plógur
Sæbjúga /Hraunpussa 7.020 kg
Samtals 7.020 kg
22.5.17 Beggi Á Varmalæk HU-219 Handfæri
Þorskur 883 kg
Ufsi 3 kg
Samtals 886 kg
22.5.17 Bogga Í Vík HU-006 Handfæri
Þorskur 492 kg
Karfi / Gullkarfi 21 kg
Samtals 513 kg
22.5.17 Flugaldan ST-054 Grásleppunet
Grásleppa 1.930 kg
Samtals 1.930 kg
22.5.17 Lukka EA-777 Handfæri
Þorskur 358 kg
Karfi / Gullkarfi 30 kg
Steinbítur 3 kg
Samtals 391 kg

Skoða allar landanir »