Misskilningur um fiskveiðilög

Frá ársfundinum.
Frá ársfundinum. mbl.is/Hanna

Misskilnings gætir í umræðunni um fyrstu grein fiskveiðistjórnunarlaga, að sögn Heiðrúnar Lindar Marteinsdóttur, framkvæmdastjóra Samtaka fyrirtækja í sjávarútvegi. Hún sagði á ársfundi samtakanna sem hún er í forsvari fyrir, að sumir túlki greinina á þá leið að það sé sjálfstætt markmið sjávarútvegs að tryggja byggð í landinu.

Fram kemur í umræddri grein að „markmið laga þessara er að stuðla að verndun og hagkvæmri nýtingu þeirra og tryggja með því trausta atvinnu og byggð í landinu.“

Heiðrún Lind sagði að orðalagið væri mikilvægt. Meginmarkmið laganna sé verndun og nýting nytjastofna. Afleiðing þess tryggi trausta atvinnu og byggð í landinu. „Það er ekki sjálfstætt markmið. Það er ekki hægt að gera þá kröfu til sjávarútvegsins að hann einn og óstuddur tryggi og treysti byggð í landinu. Og þykir það sanngjörn krafa til sjávarútvegsins að hann eigi að tryggja nákvæmlega sama fjölda starfsmanna í sama byggðarhlutanum um aldur á ævi? Þá fyrst erum við komin í ógöngur. Það er ekki markmið laganna,“ sagði hún.

mbl.is/Hanna

Viðtekin mýta

Ásgeir Jónsson, dósent í hagfræði við Háskóla Íslands, sagði á fundinum að það sé viðtekin mýta að það sé ekki annað hægt en að hagnast á sjávarútvegi. Hið rétta sé að íslenskur sjávarútvegur hafi ekki orðið arðbær fyrr en á 21. öldinni. Hagnaðurinn sé algerlega háður núverandi fiskveiðistjórnunarkerfi, frjálsu framsali aflaheimilda og frjálsri ráðstöfun aflans.

Hann sagði sömuleiðis að það væri mýta að samþjöppun í sjávarútvegi megi alfarið rekja til kvótakerfisins og það hafi komið landsbyggðinni á kaldan klaka.

Ásgeir sagði að betur rekin sjávarútvegsfyrirtæki hafi keypt út hin lakari og fiskvinnsla hafi þjappast saman í iðnaðarkjörnum. „Það er áfall fyrir einstakar byggðir að missa frá sér aflaheimildir en samkeppnishæfur sjávarútvegur er þó forsenda fyrir samkeppnishæfum lífskjörum úti á landi. Einu hálaunastörfin á landsbyggðinni eru einmitt í sjávarútvegi,“ sagði hann.

mbl.is

Bloggað um fréttina

Afurð Dags. Meðalverð
Þorskur, óslægður 22.11.17 353,00 kr/kg
Þorskur, slægður 22.11.17 348,30 kr/kg
Ýsa, óslægð 22.11.17 329,57 kr/kg
Ýsa, slægð 22.11.17 291,27 kr/kg
Ufsi, óslægður 22.11.17 100,00 kr/kg
Ufsi, slægður 22.11.17 145,07 kr/kg
Djúpkarfi 16.11.17 35,00 kr/kg
Gullkarfi 22.11.17 242,59 kr/kg
Litli karfi 1.11.17 9,00 kr/kg
Blálanga, óslægð 20.11.17 215,00 kr/kg

Fleiri tegundir »

22.11.17 Sindri VE-060 Botnvarpa
Djúpkarfi 30.736 kg
Karfi / Gullkarfi 1.840 kg
Samtals 32.576 kg
22.11.17 Snæfell EA-310 Botnvarpa
Ufsi 600 kg
Karfi / Gullkarfi 538 kg
Steinbítur 288 kg
Samtals 1.426 kg
22.11.17 Hjalteyrin EA-306 Botnvarpa
Karfi / Gullkarfi 1.520 kg
Samtals 1.520 kg
22.11.17 Agnar BA-125 Línutrekt
Ýsa 1.821 kg
Þorskur 362 kg
Samtals 2.183 kg
22.11.17 Tjálfi SU-063 Dragnót
Ýsa 2.040 kg
Þorskur 310 kg
Skarkoli 77 kg
Skrápflúra 21 kg
Sandkoli 19 kg
Samtals 2.467 kg

Skoða allar landanir »