Sæbjúgnaveiðar bannaðar í Faxaflóa

Sjávarútvegsráðuneytið hefur gert allar veiðar á sæbjúgum óheimilar frá og með deginum í dag, á tilteknu svæði á Faxaflóa. Þetta kemur fram í reglugerð ráðuneytisins, sem sögð er falla úr gildi 31. ágúst næstkomandi.

Í veiðiráðgjöf Hafrannsóknastofnunar fyrir fiskveiðiárið 2017-2018 er lögð til 19% aukning á hámarksafla sæbjúgna. Munar þar mest um aukningu á veiðisvæði við Austurland, úr 623 tonnum í 985 tonn.

Hafrannsóknastofnun skilgreinir þrjú veiðisvæði, Faxaflóa, Aðalvík og við Austfirði. Veiða má frjálst utan þeirra en veiðar takmarkast innan þeirra vegna hrygningar.

Sæ­bjúgna­veiðar um­hverf­is Ísland hafa auk­ist jafnt og þétt og marg­ir binda mikl­ar von­ir við þessa nýju út­flutn­ings­vöru. Meginhluta aflans er landað hjá þremur vinnslum, í Þorlákshöfn, Reykjanesbæ og Borgarnesi. Afurðirnar eru fluttar út til Kína, mest frosnar.

• Blogga um frétt