Ferðir Herjólfs felldar niður

Ferð Herjólfs frá Vestmannaeyjum, sem áætluð var klukkan 11, hefur verið felld niður vegna ölduhæðar og sjávarstöðu. Þetta kemur fram í tilkynningu frá Sæferðum.

Sökum þessa fellur einnig niður ferð ferjunnar frá Landeyjahöfn sem áætluð var klukkan 12.45. Farþegar sem bókað áttu far með ferjunni eru beðnir um að hafa samband við afgreiðslu Herjólfs í síma 481-2800 til að láta færa sig í aðrar lausar ferðir eða fá endurgreitt.

Áætlun Herjólfs það sem eftir lifir dags er sem hér segir:
Brottför frá Vestmannaeyjum 16.00, 18.45, 21.00
Brottför frá Landeyjahöfn 17.10, 19.45, 22.00

• Blogga um frétt