Marel hverfur aftur til upprunans

„Það sem við gerðum of lengi var að bjóða upp á sér­tæk­ar lausn­ir handa viðskipta­vin­um. Í dag er hugs­un­in frek­ar sú að fram­leiða staðlaðar ein­ing­ar sem hægt er að púsla sam­an í heild­ar­lausn,“ seg­ir Árni Odd­ur Þórðar­son, for­stjóri Mar­el, í sam­tali við mbl.is.

Mar­el birti í gær árs­fjórðungs­upp­gjör sem sýndi fram á traustan rekstur og sterka markaðsstöðu fyr­ir­tæk­is­ins en jafn­framt lága fram­legð hjá þeim hluta fyr­ir­tæk­is­ins sem fram­leiðir búnað fyr­ir fisk­vinnslu.

Árni Oddur seg­ir að Mar­el sé komið lengra í heild­ar­lausn­um í vinnslu kjúk­lings og svína­kjöts en heild­ar­lausn­ir í hvít­fiski og laxi eru þó langt á veg komn­ar. Áskor­un­in er meiri í villtum fiski enda eru teg­und­irn­ar marg­vís­leg­ar og máli skipt­ir hvort fisk­ur­inn sé unn­inn strax eft­ir veiði eða nokkru síðar. 

Sala tengd fisk­vinnslu­búnaði var 12% af heild­ar­tekj­um Mar­el á fyrstu 12 mánuðum ársins en EBIT-fram­legðin 2,9% á sama tíma og heildarframlegð Marel er nálægt 15% EBIT. Árið 1992 þegar Marel var skráð á markað var velt­an 6 millj­ón­ir evra og þá var ein­ung­is hannaður búnaður fyr­ir fisk­vinnslu en nú nem­ur árleg velt­a 140 millj­ón­um evra á vélum og búnaði til fiskvinnslu hjá Marel og því ljóst að lausnir til fiskvinnslu hafi vaxið mikið þrátt fyrir að vega ekki meira af heildarumfangi.

Árni Oddur seg­ir að fyr­ir­tækið sé að hverfa aft­ur til upp­run­ans en fysta staðlaða vara fyrirtækisins var sjóvogin. Nú er markið sett á að koma háþróuðum tækj­um um í landvinnslu og um borð í skip eins og Flexicut sem eru háþróaðar vatnsskurðarvélar til að hámarka fiskflakið. Marel er að fjárfesta mikið í afurðum tengt fiskiiðnaði og ætlar sér að koma fram skref fyrir skref með heildarlausnir í þeim iðnaði líkt og í kjúklingi og kjöti.  

• Blogga um frétt