Forstjóri Hafrannsóknarstofnunar segir við gerð áhættumats stofnunarinnar vegna mögulegrar erfðablöndunar frá laxeldi í sjókvíum á Vestfjörðum og Austfjörðum hafi áhættan af erfðablöndun verið skoðuð en ekki ávinningur nálægra byggðalaga vegna atvinnuuppbyggingar laxeldis. „Þetta byggir á bestu fáanlegu þekkingu en við gerum okkur grein fyrir því að við vitum ekki hvernig þetta verður í raun og veru,“ segir Sigurður Guðjónsson, forstjóri Hafró.

Sveit­ar- og bæj­ar­stjórar Súðavík­ur­hrepps, Ísa­fjarðabæj­ar og Bol­ung­ar­vík­ur­kaupstaðar gagnrýndu í yfirlýsingu að horft sé fram hjá sveitarfélögunum við stefnu­mót­un­arvinnu í fisk­eld­is­mál­um þar sem sam­fé­lög og sjálf­bærni eru lögð til grund­vall­ar.

Samkvæmt áhættumatinu er hægt að framleiða um 71 þúsund tonn af laxi árlega á Íslandi en í dag er framleiðslan áætluð í ellefu þúsund tonnum. Er framleiðslugetan því sjöföld á við það sem nú er samkvæmt niðurstöðum áhættumatsins.

„Hlutverk okkar var að gera þetta mat og sjá hvar og hversu mikið væri hægt að ala af lax. Þetta er niðurstaðan núna með bestu upplýsingum sem við höfum, en við færðum þekkingu mest frá Noregi yfir til Íslands. Svo verður reynslan að segja hvernig þetta verður,“ segir Sigurður og bætir við að niðurstöðurnar gefi til kynna að áhrif erfðablöndunar sé mun staðbundnari en talið var áður en ráðist var í gerð áhættumatsins.

Tengdar fréttir

Fiskeldi

Bátur Arnarlax verður fyrsti sinnar tegundar

• Lagareldismálið fyrst á dagskrá
• Gera niðurstöður umhverfisvaktana aðgengilegar
• Gagnrýna aðferðir við áhættumat
• Rekstrarleyfi endurnýjað þrátt fyrir andstöðu

» Fleiri tengdar fréttir

• Blogga um frétt