Gefur út bók um sjávarútveg

Út er komin bókin „Fagur fiskur í sjó“ eftir Ágúst Einarsson prófessor. Bókin er ætluð jafnt skólum sem almenningi og er sögð henta vel fyrir framhaldsskóla og áhugafólk um sjávarútveg.

Útgefandi bókarinnar er Háskólinn á Bifröst en í tilkynningu frá útgáfuþjónustunni Úu, sem sér um dreifingu bókarinnar, segir að víða sé leitað fanga og að bókin sé ríkulega skreytt ljósmyndum og skýringarmyndum, á tæplega 300 síðum.

„Sjávarútvegur hefur staðið undir mikilli breytingu lífskjara hér á landi í rúma öld og getið af sér margar stoð- og þjónustugreinar,“ segir í tilkynningunni. Niðurstöður bókarinnar séu þá meðal annarra eftirfarandi:

Forsíða bókarinnar.

• Framlag sjávarútvegs og tengdra greina til landsframleiðslu er um 20% og gerir það sjávarútveg að einni mikilvægustu atvinnugrein hérlendis.
• Afköst hafa aukist mikið í sjávarútvegi síðustu rúm 30 ár.
• Fiskveiðistjórnunarkerfið hefur skapað mikil verðmæti.
• Það er réttnefni hér á landi að kalla 20. öldina öld sjávarútvegsins.

Opna úr bókinni, sem telur nær 300 blaðsíður.

• Blogga um frétt