Víkingur með 750 tonn af makríl

Víkingur AK hefur aflað vel af makríl.
Víkingur AK hefur aflað vel af makríl. Ljósmynd/HB Grandi

„Við vorum töluvert austar þegar fréttir bárust af því vart hefði orðið við vaðandi makríl suður af Hvalbak. Við vorum ekki komnir á svæðið fyrr en undir kvöld í gærkvöldi og náðum að taka eitt 260 tonna hol áður en haldið var til Vopnafjarðar,“ segir Hjalti Einarsson, skipstjóri á Víkingi AK.

Fram kemur á vef HB Granda að togarinn hafi komið til Vopnafjarðar í morgun með tæplega 900 tonna afla. Þar af hafi makrílaflinn verið um 750 tonn.

Hjalti segir makrílveiðina hafa verið sveiflukennda en þó hafi komið góð skot í veiðina inn á milli. Í gær hafi menn orðið varir við töluvert magn suður af Hvalbak og hafa skipin verið þar að veiðum.

Að hans sögn hefur síld ekki verið til mikilla vandræða sem aukaafli með makrílnum fram að þessu. Þó hafi síld fengist í einu holinu í veiðiferðinni.

„Við reynum að sneiða hjá síldinni á makrílveiðunum enda hefjast síldveiðar væntanlega ekki fyrr en hreinum makrílveiðum lýkur,“ sagði Hjalti, sem á von á því að taka muni tæpa tvo sólarhringa að landa afla úr skipinu. Því komist Víkingur væntanlega aftur á miðin á fimmtudag.

mbl.is
Afurð Dags. Meðalverð
Gellur 6.12.17 706,00 kr/kg
Þorskur, óslægður 11.12.17 242,78 kr/kg
Þorskur, slægður 11.12.17 258,42 kr/kg
Ýsa, óslægð 11.12.17 247,27 kr/kg
Ýsa, slægð 11.12.17 230,61 kr/kg
Ufsi, óslægður 11.12.17 67,82 kr/kg
Ufsi, slægður 11.12.17 93,07 kr/kg
Djúpkarfi 7.12.17 79,00 kr/kg
Gullkarfi 11.12.17 149,96 kr/kg
Litli karfi 6.12.17 11,00 kr/kg

Fleiri tegundir »

14.12.17 Þorlákur ÍS-015 Dragnót
Skarkoli 415 kg
Lúða 4 kg
Steinbítur 2 kg
Þykkvalúra / Sólkoli 1 kg
Samtals 422 kg
14.12.17 Blossi ÍS-225 Landbeitt lína
Þorskur 4.917 kg
Ýsa 1.052 kg
Steinbítur 5 kg
Samtals 5.974 kg
14.12.17 Finnbjörn ÍS-068 Dragnót
Skarkoli 273 kg
Ýsa 128 kg
Þorskur 106 kg
Skötuselur 3 kg
Steinbítur 2 kg
Þykkvalúra / Sólkoli 2 kg
Samtals 514 kg

Skoða allar landanir »