Sækja þarf aftur um sérveiðileyfi

Sækja þarf sérstaklega um öll sérveiðileyfi fyrir hvert fiskveiðiár. Vakin er athygli á þessu á vef Fiskistofu, þar sem segir enn fremur að núgildandi sérleyfi falli úr gildi 31. ágúst næstkomandi.

Vegna komandi fiskveiðiárs þurfi þá sérstaklega að sækja um eftirtalin leyfi:

• Dragnótarveiðileyfi
• Leyfi til veiða á ígulkerum
• Leyfi til frístundaveiða
• Leyfi til skarkolaveiða í Faxaflóa (takmarkað við ákveðinn hóp skipa)
• Leyfi til veiða á kúfskel til manneldis
• Leyfi til veiða á beitukóngi

Er það gert í Ugga, þjónustugátt Fiskistofu.

Fiskistofa vekur þá enn fremur athygli á að strandveiðibátar og aðrir geti nú sótt um makrílveiðileyfi vegna fiskveiðiársins 2017/2018. Makrílveiðileyfi strandveiðibáta, sem sótt sé um nú, gildi frá 1. september.

• Blogga um frétt