Unnið á þrískiptum vöktum í Neskaupstað

Í höfn í Neskaupstað.
Í höfn í Neskaupstað. Ljósmynd/Síldarvinnslan

Vinnsla á makríl og síld hefur verið samfelld í fiskiðjuveri Síldarvinnslunnar í Neskaupstað undanfarnar tvær vikur. Unnið hefur verið á þrískiptum vöktum en vaktafyrirkomulaginu verður nú breytt þegar skólafólk hverfur frá störfum.

Þetta kemur fram á vef Síldarvinnslunnar. Segir þar að þrjú skip sjái um að afla verinu hráefnis, Beitir NK, Börkur NK og Bjarni Ólafsson AK. Veiðarnar hafi gengið vel að undanförnu og algengt sé að hvert skip liggi í höfn í sólarhring að lokinni löndun, svo tryggt sé að hráefnið sem berst til vinnslu sé sem ferskast.

„Þá er í sama tilgangi lögð áhersla á að skipin komi einungis með 600-800 tonn að landi úr hverri veiðiferð. Mikilvægt er að veiðunum sé stýrt svo þær séu í sem bestum takti við vinnsluna og afurðirnar nái sem mestum gæðum,“ segir á vef vinnslunnar.

Enn mun verið að bæta við tækjabúnað fiskiðjuversins í þeim tilgangi að auka afköst þess, en um þessar mundir er verið að taka í notkun enn eina vinnslulínuna og tvo nýja frystiskápa.

Haft er eftir Jóni Gunnari Sigurjónssyni, yfirverkstjóra í fiskiðjuverinu, að framleiðslan gangi vel.

Makríllinn sem berst að landi sé að jafnaði stærri en á fyrri vertíðum og segja megi að smámakríl vanti nánast algjörlega í aflann. Þá sé síldin sem veiðist einnig stór og góð. Jón segir að veruleg áta hafi oft verið í makrílnum hingað til og það hafi áhrif á vinnsluna.

Lokið var við að landa 670 tonnum af makríl úr Berki NK í morgun og þá hófst löndun úr Bjarna Ólafssyni AK sem er með rúmlega 600 tonn. Börkur liggur nú í höfn og bíður þess að fá að hefja veiðar á ný. Beitir NK er á miðunum og er gert ráð fyrir að hann komi til löndunar um hádegi á morgun.

mbl.is
Afurð Dags. Meðalverð
Þorskur, óslægður 25.9.17 317,07 kr/kg
Þorskur, slægður 25.9.17 309,77 kr/kg
Ýsa, óslægð 25.9.17 271,77 kr/kg
Ýsa, slægð 25.9.17 224,09 kr/kg
Ufsi, óslægður 25.9.17 71,43 kr/kg
Ufsi, slægður 25.9.17 85,20 kr/kg
Djúpkarfi 15.9.17 141,00 kr/kg
Gullkarfi 25.9.17 162,20 kr/kg
Blálanga, óslægð 25.9.17 201,00 kr/kg
Blálanga, slægð 25.9.17 278,44 kr/kg

Fleiri tegundir »

25.9.17 Litlanes ÞH-003 Línutrekt
Þorskur 2.099 kg
Ýsa 1.675 kg
Steinbítur 33 kg
Hlýri 16 kg
Samtals 3.823 kg
25.9.17 Þröstur ÓF-042 Handfæri
Þorskur 350 kg
Ýsa 11 kg
Samtals 361 kg
25.9.17 Digranes NS-124 Lína
Ýsa 1.788 kg
Þorskur 125 kg
Lýsa 4 kg
Samtals 1.917 kg
25.9.17 Fjóla SH-007 Plógur
Ígulker 1.438 kg
Samtals 1.438 kg

Skoða allar landanir »