Harmar ákvörðun Háafells
Setja bókamerki
Helstu tillögurnar
- Rekstrarleyfishafar greiði auðlindagjald vegna nýtingar á eldissvæðum í sjó, allt að 15 kr. á hvert framleitt kg af eldislaxi.
- Áhættumat Hafró endurskoðist þegar þörf sé á, en eigi sjaldnar en á þriggja ára fresti.
- Umsóknaferli verði breytt, þar sem eldissvæði verði skilgreind, auglýst og boðin út.
- Viðurlög verði hert vegna brota á reglum um vöktun og aðgerðir gegn laxalús.
- Ríkið leggi fram 100 milljónir króna á ári næstu þrjú ár til Umhverfissjóðs sjókvíaeldis.
- Byggð verði upp umhverfisvænni ímynd eldisafurða og kannaður verði möguleiki á sameiginlegri auðkenningu.
- Lagst er gegn takmörkunum á erlendu eignarhaldi. Því fylgi m.a. reynsla og þekking.
„Ég harma þessa ákvörðun og það er mikill söknuður að þessum góðu vinum okkar og öflugu félagsmönnum. Með sama hætti virði ég þessa niðurstöðu þeirra á þeim forsendum sem þeir hafa gert prýðilega grein fyrir.“
Þetta segir Einar K. Guðfinnsson, formaður Landssambands fiskeldisstöðva, um þá ákvörðun fiskeldisfyrirtækisins Háafells að segja sig úr sambandinu. Greint var frá úrsögninni á vef 200 mílna í morgun en fyrirtækið hefur verið félagi í samtökunum í rúm fimmtán ár og fulltrúi þess átt sæti í stjórn samtakanna undanfarin ár.
„Ég veit það að engu að síður munum við geta átt gott samstarf þó það verði ekki innan þessara félagslegu vébanda,“ segir Einar í samtali við 200 mílur.
Sex af sjö stjórnarmönnum samþykktu skýrsluna
Í tilkynningu frá Háafelli er meðal annars fullyrt að framganga sambandsins hafi fjarlægst þá stefnu og sýn sem fyrirtækið vilji hafa í uppbyggingu fiskeldis á Íslandi. Enn fremur segir að skýrsla starfshópsins „virðist vera einhvers konar samkomulag milli stærstu eldisfyrirtækjanna og veiðiréttarhafa“.
Spurður um viðbrögð við þessari gagnrýni segir Einar að sex af sjö stjórnarmönnum sambandsins hafi samþykkt að fulltrúar þess innan starfshópsins skrifuðu undir skýrsluna.
„Það hefur verið rækilega rætt í stjórninni og það er því í raun ekki fleira um það að segja.“
Bendir hann þá á að niðurstaða starfshópsins sé ekki endilega klæðskerasniðin að þörfum sambandsins.
„Vinna þessarar nefndar verður til eftir mikil samtöl og töluverða vinnu og er ekki endilega klæðskerasniðin að okkar þörfum. Ég vil hins vegar undirstrika eitt og það er það að með þessu er verið að árétta það sjónarmið að fiskeldi eigi að byggjast upp á þekkingu og vísindum, þar með talið áhættu- og burðarþolsmati.“
Ekkert nýtt eldi í Djúpinu að sinni
Háafell, sem er í eigu Hraðfrystihússins-Gunnvarar hf. í Hnífsdal, hefur stundað eldi í Ísafjarðardjúpi síðan árið 2002 og haft umsókn um 7.000 tonna laxeldisleyfi í stjórnkerfinu síðan árið 2011.
Útlit er fyrir að ekkert verði af áformum fyrirtækisins um frekara fiskeldi í Ísafjarðardjúpi að sinni, eftir að ljóst varð í gær að starfshópurinn leggur til að byggt verði á áhættumati Hafrannsóknastofnunar. Í matinu, sem gefið var út í júlí, er lagst gegn fiskeldi í Djúpinu. Horfurnar geta þó breyst enda leggur hópurinn einnig til að matið verði endurskoðað svo oft sem þörf sé, og eigi sjaldnar en á þriggja ára fresti.
Einar leggur einmitt áherslu á það, að í skýrslunni sé vísað til áhættumats stofnunarinnar yfir höfuð, en ekki aðeins til þess sem nú liggur fyrir.
„Það er ekki verið að samþykkja sjálfa niðurstöðuna í áhættumatsskýrslunni, heldur er eingöngu verið að taka afstöðu til þeirrar meginreglu, að notast eigi við áhættumat við uppbyggingu fiskeldis.“
Helstu tillögurnar
- Rekstrarleyfishafar greiði auðlindagjald vegna nýtingar á eldissvæðum í sjó, allt að 15 kr. á hvert framleitt kg af eldislaxi.
- Áhættumat Hafró endurskoðist þegar þörf sé á, en eigi sjaldnar en á þriggja ára fresti.
- Umsóknaferli verði breytt, þar sem eldissvæði verði skilgreind, auglýst og boðin út.
- Viðurlög verði hert vegna brota á reglum um vöktun og aðgerðir gegn laxalús.
- Ríkið leggi fram 100 milljónir króna á ári næstu þrjú ár til Umhverfissjóðs sjókvíaeldis.
- Byggð verði upp umhverfisvænni ímynd eldisafurða og kannaður verði möguleiki á sameiginlegri auðkenningu.
- Lagst er gegn takmörkunum á erlendu eignarhaldi. Því fylgi m.a. reynsla og þekking.
Kostnaður meiri en milljón á fermetra
„Það þarf að vinna mikinn fjölda upp“
Vona að Orkustofnun veiti ekki virkjunarleyfi
Skemmtiferðaskip hætt komið nærri Viðey
Handteknir eftir myndatöku í Vesturbæjarlaug
Skar höfuðleðrið af íslenskri konu