Hafnarstarfsmenn í Keflavíkurhöfn hafa vart haft undan við að landa makríl úr smábátum Algengt er að menn landi fullfermi nokkrum sinnum yfir daginn.

Að sögn sjómanna á bátunum heldur makríllinn sig nálægt landi við norðanverðan Reykjanesskaga, mest út af Keflavík, að því er fram kemur á vef Landssambands smábátaeigenda.

Segir þar að úti fyrir Snæfellsnesi sé einnig góð veiði. Þar sé hegðun makrílsins svipuð, hann haldi sig nálægt landi. Besta veiðin þar hafi þá verið út frá Rifi af Öndverðarnesi.

„Þriðja veiðisvæði smábáta er í Steingrímsfirði, en þar hefur veiði enn verið með tregara móti.“

Bjartsýni um góða vertíð

„Alls hafa 43 smábátar hafið veiðar og er aflinn að nálgast 2.300 tonn. Á sama tíma í fyrra var hann hins vegar 4.190 tonn af 40 bátum. Þá var helmingur þeirra kominn með yfir 100 tonn en nú aðeins 6 bátar sem náð hafa þeim afla,“ segir á vef sambandsins.

„Af þessu má sjá að makríllinn hefur það sem af er verið í minna mæli á veiðislóðum smábáta en í fyrra. Flestir sem rætt var við sögðu það ekkert segja til um endanlega veiði, heldur að makríllinn hefði tafist á leiðinni til þeirra. Bjartsýni virðist því ríkja um góða vertíð.“

Tengdar fréttir

Smábátaveiðar

Ánægður með nýja Sigrúnu Björk ÞH

• Lokun Skápsins tvímælalaust að skila sér
• „Leggjum línuna hvenær sem veður leyfir“
• Náðu 10 tonnum í mokveiði
• Fordæma vinnubrögð og mótmæla tillögum

» Fleiri tengdar fréttir

• Blogga um frétt