Sigurður Ingi Jóhannsson, formaður Framsóknarflokksins, hefur óskað eftir því við Pál Magnússon, formann atvinnuveganefndar, að boðaðir verði fleiri aðilar til að bregðast við skýrslu ráðherra um stefnumótun í fiskeldi.

Þetta kemur fram í tilkynningu frá Sigurði Inga. 

„Ég tel nauðsynlegt að víðtækari umfjöllun eigi sér stað um skýrsluna, forsendur hennar og niðurstöður,“ segir Sigurður Ingi sem hefur óskað eftir að fulltrúar sveitarstjórnar Breiðdalshrepps, Djúpavogshrepps, Bolungarvíkurkaupstaðar, Súðavíkurhrepps og Ísafjarðarbæjar verði boðaðir á fund atvinnuveganefndar.

Jafnframt óskar hann eftir að fulltrúar Landssambands fiskeldisstöðva, Háafells ehf. og Laxa ehf. verði boðaðir.

Formaður Framsóknarflokksins segir enn fremur mikilvægt að í framhaldi af þessum fundum komi fleiri sjónarmið fyrir nefndina, m.a. um vísindalegan grunn áhættumats, líffræðilegar sem markaðslegar forsendur fyrir geldlaxi og um fleiri þætti sem nauðsynlegt sé að skoða.

Tengdar fréttir

Fiskeldi

Fjárfestingin 115 milljarðar króna

• Bátur Arnarlax verður fyrsti sinnar tegundar
• Lagareldismálið fyrst á dagskrá
• Gera niðurstöður umhverfisvaktana aðgengilegar
• Gagnrýna aðferðir við áhættumat

» Fleiri tengdar fréttir

• Blogga um frétt