Seldi frosið hvalkjöt fyrir rúman milljarð

Hvalur hf. hagnaðist um tæpa tvo milljarða króna á síðasta fjárhagsári sínu, eða frá 1. október 2015 til 30. september 2016. Þetta kemur fram í nýjum ársreikningi félagsins sem skilað var til Ríkisskattstjóra í síðustu viku.

Af honum má þá einnig ráða að félagið hafi selt frosið hvalkjöt fyrir rúman milljarð króna á tímabilinu, eða fyrir kr. 1.007.500.000.

Eng­ar hval­veiðar voru á veg­um Hvals hf. í sum­ar.

Sterkt gengi krónu hefur áhrif á veiðar

Kristján Lofts­son­, fram­kvæmda­stjóri Hvals, sagði í samtali við mbl.is fyrr í sumar að helstu ástæður þessa væru enda­laus­ar hindr­an­ir í Jap­an við inn­flutn­ing á hvala­af­urðum, en Jap­an er helsta markaðslandið fyr­ir hvala­af­urðir.

Þá sagði hann sterkt gengi ís­lensku krón­unn­ar hafa líka áhrif í þess­um efn­um. Minna fá­ist nú fyr­ir út­flutn­ing en ella.

Eng­ar hval­veiðar voru heldur stundaðar af hálfu fyr­ir­tæk­is­ins síðasta sum­ar en sum­arið 2015 veiddu hval­veiðibát­arn­ir 155 langreyðar á vertíðinni. Unnu þá um 150 manns við hval­veiðar og vinnslu afurða hjá félaginu.

Winter Bay komið hálfa leið til Japans

Greint var frá því á mbl.is fyrir þremur vikum að flutningaskipið Winter Bay hefði farið frá Hafnarfirði þann 17. ágúst með um 1.400 tonn af hvalaafurðum áleiðis til Osaka í Japan.

Reiknað er með að það komi á áfangastað í kring­um 17. sept­em­ber.

„Þetta er kjöt, spik, rengi, tunga og fleira,“ sagði Kristján af því tilefni. Held­ur hefði þá dregið úr eft­ir­spurn eft­ir hvala­af­urðum í Jap­an.

„Við vor­um bún­ir að fram­leiða þetta fyr­ir Jap­an. Það var ekk­ert annað að gera en að koma þessu þangað. Svo sjá­um við til hvernig spil­ast úr markaðnum.“

• Blogga um frétt