Krefjast opinberrar afsökunarbeiðni

Nefndarmenn í starfshópi sjávarútvegs- og landbúnaðarráðherra um stefnumörkun í fiskeldi hafa farið fram á opinbera afsökunarbeiðni Ísafjarðarbæjar vegna ummæla sem bæjarstjórinn lét falla á bæjarstjórnarfundi 24. ágúst sl.

Í bréfi nefndarmanna til bæjarstjórnar, forseta bæjarstjórnar og formanns bæjarráðs segir að í ummælum bæjarstjóra hafi falist „gróf og ósönn ásökun“ um að fulltrúi veiðiréttarhafa og fulltrúar laxeldisfyrirtækjanna hafi sýnt af sér óheilindi og óheiðarleika í störfum sínum.

„Vísað er sérstaklega til þeirra fullyrðinga bæjarstjóra að framangreindir fulltrúar hafi „plottað“ og haft „hrossakaup“ sem leiddu til þeirrar niðurstöðu að ekki yrði leyft sjókvíaeldi í Ísafjarðardjúpi og laxeldisfyrirtæki fulltrúa Landssambands fiskeldisstöðva nytu jafnframt góðs af meintum hrossakaupum.“

Nefndarmenn ítreka sérstaklega að samkomulag í nefndinni um að leggja áhættumat Hafrannsóknastofnunar til grundvallar sem stjórntæki við framleiðsluheimildir á frjóum laxi í sjókvíum við Ísland hafi verið gert áður en áhættumatið lá fyrir.

Þá hafi hagsmunaaðilar ekki haft áhrif á áhættumatið eða forsendur þess.

Undirritaðir; Óðinn Sigþórsson, Guðmundur Gíslason og Kjartan Ólafsson, segja ásakanir bæjarstjóra ærumeiðandi og óboðlegar opinberu stjórnvaldi. Honum hafi verið boðið að draga ummæli sín til baka og leggja fram afsökunarbeiðni en því hafi hann hafnað.

Farið er fram á opinbera afsökunarbeiðni af hálfu bæjaryfirvalda og svara óskað innan 14 daga. Áskilja nefndarmennirnir sér rétt til að fá ummæli bæjarstjóra ómerkt með öðrum tiltækum úrræðum ef ekki verður orðið við kröfunni.

mbl.is
Afurð Dags. Meðalverð
Þorskur, óslægður 19.9.17 301,55 kr/kg
Þorskur, slægður 18.9.17 286,49 kr/kg
Ýsa, óslægð 18.9.17 264,23 kr/kg
Ýsa, slægð 18.9.17 270,55 kr/kg
Ufsi, óslægður 18.9.17 74,46 kr/kg
Ufsi, slægður 18.9.17 114,00 kr/kg
Djúpkarfi 15.9.17 141,00 kr/kg
Gullkarfi 18.9.17 157,50 kr/kg
Blálanga, óslægð 15.9.17 147,00 kr/kg
Blálanga, slægð 18.9.17 182,85 kr/kg

Fleiri tegundir »

19.9.17 Sjöfn SH-707 Plógur
Ígulker 1.884 kg
Samtals 1.884 kg
19.9.17 Sæþór EA-101 Þorskfisknet
Þorskur 1.865 kg
Ýsa 212 kg
Karfi / Gullkarfi 184 kg
Ufsi 81 kg
Skarkoli 19 kg
Hlýri 8 kg
Samtals 2.369 kg
19.9.17 Bobby 17 ÍS-377 Sjóstöng
Þorskur 35 kg
Samtals 35 kg
19.9.17 Víkingur SI-078 Handfæri
Þorskur 1.682 kg
Samtals 1.682 kg

Skoða allar landanir »