Þörf á nýju rannsóknaskipi

Bjarni Sæmundsson, skip Hafrannsóknastofnunar.
Bjarni Sæmundsson, skip Hafrannsóknastofnunar. mbl.is/Styrmir Kári

Rannsóknaskipið Bjarni Sæmundsson lagði af stað í loðnuleiðangur í gær sem er 11 dögum seinna en áætlað var. Fram kemur á vef Hafrannsóknastofnunar að ástæða seinkunarinnar hafi verið bilun í einni af þremur stjórntölvum fyrir vélar skipsins.

„Stýrisbúnaður þess er frá árinu 2004 þegar aðalvélar skipsins voru endurnýjaðar og gekk erfiðlega að fá varahluti. Að endingu náðist að gera bráðabirgðalagfæringu og koma skipinu af stað. Ljóst er að skipta þarf út öllum þremur stjórntölvunum í Bjarna Sæmundssyni og er vinna við það þegar hafin. Skipið kom nýtt til landsins í desember 1970 og er því að verða 47 ára gamalt,“ segir ennfremur í tilkynningunni.

Þá segir að þegar aðalvélarnar hafi verið endurnýjaðar árið 2004 hafi verið fyrirhugað að gera skipið út í 10-12 ár til viðbótar. Ýmiskonar búnaður og tæki, innréttingar og fleira hafi því ekki verið endurnýjað á þeim tíma. Síðan hafi eldri búnaður látið enn meira á sjá og nýi búnaðurinn er ekki eins nýr og áður.

„Brýnt er að hið fyrsta verði tekin ákvörðun um nýsmíði á rannsóknaskipi í stað Bjarna Sæmundssonar þannig að í framtíðinni verði tryggt að hægt verði að sinna með öruggum hætti mikilvægum rannsóknum á auðlindum hafsins. Slíkt öryggi er því miður ekki tryggt með núverandi skipakosti Hafrannsóknastofnunar.“

Hitt rannsóknaskip Hafrannsóknastofnunar, Árni Friðriksson, hefur verið í loðnuleiðangri í lögsögu Jan Mayen frá því í byrjun mánaðarins og er nú á suðurleið með austurströnd Grænlands.

„Bjarni mun sinna mælingum á hafsvæðinu fyrir vestan og norðan land á móti Árna. Leiðöngrum rannsóknaskipanna átti að ljúka 29. september en vegna bilunarinnar lýkur þeim ekki fyrr en 4. október. Ekki er hægt að lengja leiðangrana frekar þar sem Árni fer í haustrall í byrjun október og Bjarni í rækju- og ungsíldarrannsóknir.“

Gert sé ráð fyrir að hægt verði að fara yfir fyrirhugað rannsóknasvæði þótt þéttleiki mælinga verði minni en annars. „Seinkunin hefur haft mikil áhrif á fjölda starfsmanna Hafrannsóknastofnunar þar sem hátt í 50 manns taka þátt í loðnuleiðöngrunum. Einnig hefur seinkun á haustralli og rækju nokkur áhrif þótt minni séu.“

mbl.is
Afurð Dags. Meðalverð
Gellur 6.12.17 706,00 kr/kg
Þorskur, óslægður 11.12.17 242,78 kr/kg
Þorskur, slægður 11.12.17 258,42 kr/kg
Ýsa, óslægð 11.12.17 247,27 kr/kg
Ýsa, slægð 11.12.17 230,61 kr/kg
Ufsi, óslægður 11.12.17 67,82 kr/kg
Ufsi, slægður 11.12.17 93,07 kr/kg
Djúpkarfi 7.12.17 79,00 kr/kg
Gullkarfi 11.12.17 149,96 kr/kg
Litli karfi 6.12.17 11,00 kr/kg

Fleiri tegundir »

12.12.17 Eskey ÓF-080 Línutrekt
Þorskur 3.987 kg
Ýsa 2.276 kg
Steinbítur 20 kg
Karfi / Gullkarfi 7 kg
Keila 6 kg
Lýsa 1 kg
Samtals 6.297 kg
12.12.17 Blíða SH-277 Plógur
Sæbjúga /Hraunpussa 1.798 kg
Samtals 1.798 kg
12.12.17 Særún EA-251 Lína
Þorskur 2.154 kg
Ýsa 1.569 kg
Steinbítur 8 kg
Karfi / Gullkarfi 3 kg
Samtals 3.734 kg
12.12.17 Kaldbakur EA-001 Botnvarpa
Karfi / Gullkarfi 14.826 kg
Samtals 14.826 kg

Skoða allar landanir »