Leitar gulls og silfurs

Kaupskipið Porta, systurskip Minden.
Kaupskipið Porta, systurskip Minden.

Umhverfisstofnun hefur fengið það staðfest, frá lögmanni breska fyrirtækisins Advanced Marine Services, að fyrirtækið er á eftir gulli og/eða silfri sem það telur vera um borð í þýska flutningaskipinu SS Minden, sem liggur á sjávarbotni suður af Íslandi.

Frá þessu greinir stofnunin í skriflegu svari við fyrirspurn Fiskifrétta, en þar kemur fram að staðfestingin hafi fengist í maí síðastliðnum.

„Umbjóðandi minn telur að inni í þeim kassa sem hífður verður upp gæti verið að finna verðmæta málma, líklega gull eða silfur. Þetta muni þó ekki koma í ljós fyrr en að kassinn er opnaður,“ segir í svari lögfræðings AMS til Umhverfisstofnunar og er dagsett 23. maí.

Frestur til athugasemda runninn út

Fiskifréttir greina enn fremur frá því að enginn þeirra umsagnaraðila, sem Umhverfisstofnun leitaði til, sér nokkra meinbugi á því að AMS verði veitt starfsleyfi og geti því fjarlægt verðmæti úr skipinu.

Slík beiðni mun hafa verið send meðal annars á Landhelgisgæsluna, Minjastofnun Íslands, Samgöngustofu, Hafrannsóknastofnun og utanríkisráðuneytið.

Frestur til athugasemda er nýrunninn út og þykir því líklegt að fyrirtækið fái, að öllu óbreyttu, leyfi til að fjarlægja kistuna úr póstherbergi skipsins.

mbl.is
Afurð Dags. Meðalverð
Þorskur, óslægður 21.10.17 5,00 kr/kg
Þorskur, slægður 20.10.17 291,55 kr/kg
Ýsa, óslægð 20.10.17 273,42 kr/kg
Ýsa, slægð 20.10.17 262,41 kr/kg
Ufsi, óslægður 21.10.17 5,00 kr/kg
Ufsi, slægður 20.10.17 118,33 kr/kg
Djúpkarfi 15.9.17 141,00 kr/kg
Gullkarfi 21.10.17 5,00 kr/kg
Litli karfi 17.10.17 14,00 kr/kg
Blálanga, óslægð 20.10.17 248,03 kr/kg

Fleiri tegundir »

22.10.17 Litlanes ÞH-003 Línutrekt
Þorskur 5.591 kg
Ýsa 3.592 kg
Langa 39 kg
Steinbítur 5 kg
Karfi / Gullkarfi 1 kg
Samtals 9.228 kg
22.10.17 Gestur Kristinsson ÍS-333 Landbeitt lína
Ýsa 2.543 kg
Þorskur 1.899 kg
Skarkoli 35 kg
Steinbítur 30 kg
Langa 11 kg
Samtals 4.518 kg
22.10.17 Magnús HU-023 Landbeitt lína
Þorskur 1.753 kg
Ýsa 862 kg
Keila 19 kg
Langa 6 kg
Karfi / Gullkarfi 5 kg
Samtals 2.645 kg

Skoða allar landanir »