Tekjur drógust saman um tugi milljarða

Skip við höfn í Ólafsvík.
Skip við höfn í Ólafsvík. mbl.is/Sigurður Bogi

Tekjur í sjávarútvegi drógust saman um 25 milljarða króna árið 2016, eða um níu prósent. Allar líkur eru á að afkoma fyrirtækja í sjávarútvegi versni enn nokkuð á yfirstandandi rekstrarári. Þetta kemur fram í samantekt Deloitte á rekstri sjávarútvegsfélaga, sem gerð var að beiðni atvinnuvega- og nýsköpunarráðuneytisins.

Fram kemur í skýrslu Deloitte að afkoma botnfiskútgerða og -vinnslu hafi versnað mest milli ára og félög í botnfiskútgerð orðið af mestu tekjunum. Afkoman hafi þá versnað óháð úthlutuðum afla, en stærri félög virðist þó eiga auðveldara með að ná fram kostnaðarsparnaði á móti tekjusamdrætti.

Tekjutapinu var enda að hluta mætt með lækkun kostnaðar en EBITDA félaganna mun hafa lækkað um 15 milljarða króna, eða um 22%.

Styrking krónunnar ekki aðeins neikvæð

Verðlag sjávarafurða hafi lækkað verulega í íslenskum krónum á sama tíma og launavísitala hafi hækkað töluvert. Þrátt fyrir að styrking krónunnar hafi haft neikvæð áhrif á tekjur greinarinnar hafi hún þó án efa unnið með greininni að hluta hvað varði ýmis keypt aðföng s.s. olíu, varahluti, veiðarfæri og umbúðir.

Lækkun olíuverðs hafi þá haft nokkuð jákvæð áhrif á afkomu síðasta árs en það sé tekið að hækka að nýju á þessu ári.

Í skýrslunni segir að takist að veiða þann afla, sem ekki tókst að veiða í verkfallsmánuðum fyrri hluta ársins, gæti afkoma þó aukist lítið eitt milli ára.

Tekið er fram að skuldastaða greinarinnar í heild hafi þróast með jákvæðum hætti að því leyti að heildarskuldir hafi lækkað og eiginfjárhlutfall hækkað. Lækkun skulda megi að nokkru leyti rekja til styrkingar krónunnar sem leitt hafi til lækkunar skulda í erlendri mynt.

Ólíklegt að náist að eyða verkfallsáhrifum

Í skýrslunni er greint frá því að á fyrstu átta mánuðum þessa árs sé veitt magn orðið tæplega 7% meira en á síðasta ári. Muni þar mestu um auknar veiðar á loðnu miðað við árið í fyrra.

Á nýliðnu fiskveiðiári hafi aflaheimildir aukist um 22% samanborið við fiskveiðiárið 15/16, en afli til aflamarks hins vegar staðið því sem næst í stað milli ára.

„Eitthvað af því sem ekki veiddist flyst á það fiskveiðiár sem nú er hafið en ólíklegt má teljast að verkfallsáhrifum verði að fullu eytt innan rekstrarársins 2017,“ segir í niðurstöðum skýrslunnar.

mbl.is
Afurð Dags. Meðalverð
Þorskur, óslægður 20.11.17 307,03 kr/kg
Þorskur, slægður 20.11.17 296,88 kr/kg
Ýsa, óslægð 20.11.17 293,57 kr/kg
Ýsa, slægð 20.11.17 282,47 kr/kg
Ufsi, óslægður 20.11.17 58,26 kr/kg
Ufsi, slægður 20.11.17 141,25 kr/kg
Djúpkarfi 16.11.17 35,00 kr/kg
Gullkarfi 20.11.17 190,65 kr/kg
Litli karfi 1.11.17 9,00 kr/kg
Blálanga, óslægð 20.11.17 215,00 kr/kg

Fleiri tegundir »

20.11.17 Saxhamar SH-050 Dragnót
Skarkoli 3.055 kg
Þorskur 1.512 kg
Þykkvalúra / Sólkoli 16 kg
Lúða 10 kg
Ýsa 6 kg
Samtals 4.599 kg
20.11.17 Blíða SH-277 Plógur
Ígulker 2.486 kg
Samtals 2.486 kg
20.11.17 Litlanes ÞH-003 Línutrekt
Ýsa 2.952 kg
Þorskur 222 kg
Karfi / Gullkarfi 11 kg
Samtals 3.185 kg
20.11.17 Þristur BA-036 Plógur
Sæbjúga hraunpussa 5.788 kg
Samtals 5.788 kg

Skoða allar landanir »