Írsk stjórnvöld stefna að því að stórauka matvælaframleiðslu sína á næstu árum. Hluti af þeirri áætlun er að auka fiskeldi, sem þegar gegnir veigamiklu hlutverki á Írlandi og ekki síst í dreifbýli.

Þetta kom fram í ræðu Michael Creed, landbúnaðar-, matvæla- og sjávarútvegsráðherra Írlands, á ráðstefnu Global Aquaculture Alliance í Dyflinni á Írlandi fyrr í mánuðinum. Fréttavefurinn SeafoodSource greinir frá en vísað er í ræðuna á vef Landssambands fiskeldisstöðva.

„Fiskeldi og sjávarútvegur eru mikilvægur hluti af hagkerfi Írlands og fyrirtækin eru almennt staðsett á tiltölulega afskekktum stöðum og við strandlengjuna, þar sem tækifæri til uppbyggingar á sjálfbærri atvinnustarfsemi eru takmörkuð,“ sagði ráðherrann.

Benti hann á að vöxtur í fiskeldi á Írlandi hefði verið nokkur á síðustu árum, „en okkur er ljóst að við þurfum að vaxa hraðar á þessu sviði.“

Straumlínulaga fyrirkomulag leyfa

Fram kemur að stjórnvöld landsins hafi stefnt saman 35 hagsmunaaðilum á sviði fiskeldis, landbúnaðar og fiskveiða og -vinnslu, sem fengið hafi það verkefni að setja fram áætlun um aukna matvælaframleiðslu á næstu tíu árum.

Með henni sé stefnt að því að auka matvælaframleiðsluna um 60 prósent á þessum tíma og að útflutningurinn vaxi um 85%, auk þess sem störfum verði fjölgað um 23 þúsund á þessu sviði. 

Sagði ráðherrann mikilvægt að fara í ofan í kjölinn á öllu því fyrirkomulagi leyfa sem snýr að fiskeldinu. Írsk stjórnvöld væru staðráðin í því að straumlínulaga það og á sama tíma varðveita náttúru landsins.

Tengdar fréttir

Fiskeldi

„Margt hefur nú ekki beinlínis verið til fyrirmyndar“

• Segir nýtt frumvarp gefa eldisfyrirtækjum auðlindir
• Laxey fær sex milljarða
• Fjárfestingin 115 milljarðar króna
• Bátur Arnarlax verður fyrsti sinnar tegundar

» Fleiri tengdar fréttir

• Blogga um frétt