Byggðarráð Skagafjarðar óskar eftir fundi með sjávarútvegsráðherra hið fyrsta, vegna ákvörðunar hans um afléttingu friðunar á hluta Skagafjarðar fyrir dragnótaveiðum.

Þetta kemur fram í bókun sem gerð var á fundi ráðsins. Segir í bókuninni að mikilvægt sé að viðhalda kerfi sem stuðli að gæðum í meðförum afla og jákvæðri markaðssetningu. Breytingar á kerfinu kunni að leiða til aukinnar einsleitni í útgerð og fækkun starfa.

„Byggðarráð Sveitarfélagsins Skagafjarðar mótmælir harðlega ákvörðun ráðherra um afléttingu friðunar á hluta Skagafjarðar fyrir dregnum veiðarfærum s.s. dragnót og leggst gegn breytingum á takmörkunum við notkun veiðarfæra við veiðar samkvæmt krókaaflamarki.

Sveitarfélagið harmar að ekki hafi verið tekið tillit til umsagnar sveitarfélagsins sem send var frá sveitarfélaginu þann 13.október s.l. og ítrekað þann 31.október s.l. Byggðarráð skorar á ráðherra að endurskoða ákvörðun sína og óskar eftir fundi með ráðherra vegna málsins hið fyrsta.“

Frétt af mbl.is

„Maður vonar að þetta séu endalokin“

Tengdar fréttir

Smábátaveiðar

Ánægður með nýja Sigrúnu Björk ÞH

• Lokun Skápsins tvímælalaust að skila sér
• „Leggjum línuna hvenær sem veður leyfir“
• Náðu 10 tonnum í mokveiði
• Fordæma vinnubrögð og mótmæla tillögum

» Fleiri tengdar fréttir

• Blogga um frétt