Skattur á landsbyggð

Við höfnina í Bolungarvík.
Við höfnina í Bolungarvík. mbl.is/Sigurður Bogi

Veiðigjald yfirstandandi fiskveiðiárs grundvallast á rekstrarárinu 2015, sem var hagstætt ár í sjávarútvegi. Nú, þegar greiða á gjaldið, horfir allt öðruvísi við og rekstrarskilyrði eru mun verri en árið 2015.

Þannig hefur gengi krónunnar styrkst verulega frá þeim tíma og dágóð hækkun hefur orðið á kostnaði, sem til fellur í íslenskum krónum, svo einstakir augljósir áhrifaþættir séu nefndir, segir meðal annars á heimasíðu Samtaka fyrirtækja í sjávarútvegi.

Á meðfylgjandi mynd má sjá að 21% af álögðu veiðigjaldi árið 2015 lagðist á sjávarútvegsfyrirtæki á höfuðborgarsvæðinu, en 79% hins álagða gjalds lögðust hins vegar á sjávarútvegsfyrirtæki á landsbyggðinni.

Grafík/SFS

Ráðamenn hafi þessi sjónarmið í huga

Rifjað er upp að samkvæmt nýlegri úttekt, sem gerð var fyrir sveitarfélagið Bolungarvík, sé veiðigjald sjávarútvegsfyrirtækja þar á þessu fiskveiðiári, sem byrjaði 1. september, áætlað um 311 milljónir króna, eða um þreföldun frá fyrra ári.

„Af þessu verður ekki dregin önnur ályktun en sú, að hækkað veiðigjald muni hafa meiri og afdrifaríkari áhrif á landsbyggðina en höfuðborgarsvæðið,“ segir á heimasíðu SFS. Ítrekað er að ráðamenn verði að hafa þessi sjónarmið í huga, enda geti það varla verið vilji þeirra að þrengja mjög að rekstrarskilyrðum sjávarútvegsfyrirtækja vítt og breitt um landið og hvetja til samþjöppunar.

mbl.is
Afurð Dags. Meðalverð
Þorskur, óslægður 24.11.17 280,56 kr/kg
Þorskur, slægður 24.11.17 224,30 kr/kg
Ýsa, óslægð 24.11.17 277,27 kr/kg
Ýsa, slægð 24.11.17 291,73 kr/kg
Ufsi, óslægður 24.11.17 119,30 kr/kg
Ufsi, slægður 24.11.17 170,38 kr/kg
Djúpkarfi 16.11.17 35,00 kr/kg
Gullkarfi 24.11.17 194,63 kr/kg
Litli karfi 1.11.17 9,00 kr/kg
Blálanga, óslægð 24.11.17 283,00 kr/kg

Fleiri tegundir »

24.11.17 Þorlákur ÍS-015 Dragnót
Ýsa 74 kg
Skarkoli 54 kg
Samtals 128 kg
24.11.17 Blíða SH-277 Plógur
Sæbjúga /Hraunpussa 1.928 kg
Samtals 1.928 kg
24.11.17 Dúddi Gísla GK-048 Línutrekt
Þorskur 2.658 kg
Steinbítur 155 kg
Langa 151 kg
Ýsa 19 kg
Keila 15 kg
Karfi / Gullkarfi 4 kg
Samtals 3.002 kg
24.11.17 Hoffell SU-080 Flotvarpa
Kolmunni 681.123 kg
Kolmunni 447.977 kg
Samtals 1.129.100 kg

Skoða allar landanir »