Björguðust eftir níu og hálfan tíma

Frá björgunaraðgerðum í gær.
Frá björgunaraðgerðum í gær. Ljósmynd/RNLI

Sex sjómenn eru heilir á húfi eftir að þeim var bjargað úti fyrir Hjaltlandseyjum í gærkvöldi. Björgunaraðgerðirnar stóðu yfir í níu og hálfa klukkustund og glímdu menn við allt að tíu metra háar öldur.

Bátur sjómannanna varð vélarvana norður af Skotlandi um miðjan dag í gær. Björgunarbátur var þá sendur á vettvang þeim til bjargar. Náði björgunarsveitin, skipuð sjálfboðaliðum, að koma togreipi yfir í fiskibátinn en það slitnaði fimm sinnum meðan á björguninni stóð.

Á endanum tókst að draga bátinn til hafnar um klukkan tíu í gærkvöldi að staðartíma.

Var áður gerður út frá Þorlákshöfn

Skipstjórinn á björgunarbátnum var Dougie nokkur Munro, sem nýlega fékk orðu fyrir fjörutíu ára þjónustu í þágu björgunarsveitarinnar. 

Fyrsti stýrimaður bátsins, Andy Pearson, segir björgunina hafa verið eina þá erfiðustu sem áhöfnin hafi tekið þátt í.

Í samtali við BBC segir hann að einna vandasamast hafi verið að tengja togreipið að nýju eftir að það slitnaði fimm sinnum.

„Öldurnar komu stundum yfir þilfarið og skoluðu reipinu til og frá. Þannig að þú reynir að hafa ekki mikið af lausu reipi uppi á þilfari því annars vefst það utan um fætur þína.“

Báturinn nefnist Sparkling Line en hét áður Eyrún ÁR-66 og var gerður út frá Þorlákshöfn á árunum 2000-2006. Hér að neðan má sjá mynd sem Hafþór Hreiðarsson, fréttaritari Morgunblaðsins og mbl.is, tók af Eyrúnu á vetrarvertíðinni 2005.

Báturinn á siglingu árið 2006.
Báturinn á siglingu árið 2006. mbl.is/Hafþór Hreiðarsson
mbl.is
Afurð Dags. Meðalverð
Þorskur, óslægður 19.11.17 264,32 kr/kg
Þorskur, slægður 19.11.17 330,29 kr/kg
Ýsa, óslægð 19.11.17 249,93 kr/kg
Ýsa, slægð 19.11.17 255,50 kr/kg
Ufsi, óslægður 19.11.17 98,40 kr/kg
Ufsi, slægður 19.11.17 110,35 kr/kg
Djúpkarfi 16.11.17 35,00 kr/kg
Gullkarfi 19.11.17 151,89 kr/kg
Litli karfi 1.11.17 9,00 kr/kg
Blálanga, óslægð 19.11.17 196,50 kr/kg

Fleiri tegundir »

20.11.17 Onni HU-036 Dragnót
Þorskur 1.276 kg
Skarkoli 115 kg
Ýsa 44 kg
Samtals 1.435 kg
20.11.17 Kaldi SK-121 Þorskfisknet
Þorskur 1.018 kg
Ýsa 430 kg
Samtals 1.448 kg
20.11.17 Indriði Kristins BA-751 Lína
Þorskur 7.571 kg
Ýsa 699 kg
Samtals 8.270 kg
20.11.17 Hafdís SU-220 Lína
Þorskur 4.166 kg
Ýsa 1.738 kg
Keila 44 kg
Karfi / Gullkarfi 2 kg
Samtals 5.950 kg

Skoða allar landanir »