Þurfti að smíða nýjan varahlut

Örfirisey RE.
Örfirisey RE. Af vef HB Granda

Frystitogarinn Örfirisey RE er þessa dagana í slipp hjá Skarvik AS í Svolvær í Norður-Noregi en skipið varð fyrir því óhappi í lok október að bilun varð í skrúfubúnaði þegar það var að veiðum í Barentshafi. Búið er að komast að orsökum bilunarinnar og standa vonir til þess að togarinn komist aftur til veiða í byrjun næsta mánaðar samkvæmt vef útgerðar skipsins, HB Granda.

Örfirisey RE varð aflvana vegna bilunar í skrúfubúnaði við veiðar í rússnesku landhelginni um 440 sjómílur norður af Båtsfjord í Norður-Noregi aðfaranótt 27. október og var dregið til hafnar til Båtsfjord af norska olíuskipinu M/T Norsel. Var komið til hafnar 1. nóvember.

Haft er eftir Herberti Bjarnasyni, tæknistjóra skipa hjá HB Granda, að byrjað hafi verið að landa afla skipsins og í framhaldinu hafi kafari verið sendur til að skoða hvort hægt væri að gera við skrúfubúnaðinn með skipið á floti. Það reyndist ekki hægt. Fullbókað var í slippnum í Kirkenes og því var skipið dregið til Svolvær. Þangað kom Örfirisey aðfaranótt miðvikudagsins og hófst vinna við skipið strax eftir komuna.

Eftir að stýrið var fjarlægt var skrúfan opnuð til að kanna hvað hefði valdið því að hún virkaði ekki sem skyldi. Kom í ljós að svokallaður skiptiteinn, sem stjórnar stöðu skrúfublaða, var brotinn og ekki hægt að gera við hann. Smíði á nýjum skiptiteini hefur verið sett í gang hjá framleiðanda skrúfubúnaðarins og standa vonir til þess að viðgerð ljúki eftir mánaðamótin þannig að Örfirisey komist til veiða í byrjun desember.

mbl.is
Afurð Dags. Meðalverð
Þorskur, óslægður 20.11.17 307,27 kr/kg
Þorskur, slægður 20.11.17 296,88 kr/kg
Ýsa, óslægð 20.11.17 293,68 kr/kg
Ýsa, slægð 20.11.17 282,47 kr/kg
Ufsi, óslægður 20.11.17 58,26 kr/kg
Ufsi, slægður 20.11.17 141,25 kr/kg
Djúpkarfi 16.11.17 35,00 kr/kg
Gullkarfi 20.11.17 190,65 kr/kg
Litli karfi 1.11.17 9,00 kr/kg
Blálanga, óslægð 20.11.17 215,00 kr/kg

Fleiri tegundir »

20.11.17 Vigur SF-080 Lína
Ýsa 1.741 kg
Langa 385 kg
Þorskur 190 kg
Keila 38 kg
Skata 37 kg
Ufsi 34 kg
Samtals 2.425 kg
20.11.17 Sunna Líf KE-007 Þorskfisknet
Þorskur 5.397 kg
Samtals 5.397 kg
20.11.17 Fjóla SH-007 Plógur
Ígulker 2.112 kg
Samtals 2.112 kg
20.11.17 Sandfell SU-075 Lína
Þorskur 465 kg
Keila 22 kg
Karfi / Gullkarfi 2 kg
Samtals 489 kg

Skoða allar landanir »