Styttist í heimsiglingu

Breki á siglingu. Skipin hafa reynst vel í prófunum sem ...
Breki á siglingu. Skipin hafa reynst vel í prófunum sem gerðar hafa verið í skipasmíðastöðinni í Kína.

Togararnir Breki VE og Páll Pálsson ÍS hafa undanfarið verið í veiðarfæraprófunum í kínverskri landhelgi. Breki verður sendur í aðra reynsluferð þegar brugðist hefur verið við minni háttar aðfinnslum í fyrri ferðinni. Fram kemur á vef Vinnslustöðvarinnar að fulltrúar Samgöngustofu fóru til Kína og tóku skipin út eins og lög gera ráð fyrir og voru í kínversku skipasmíðastöðinni í um viku við úttekt á togurunum tveimur.

Talsverðar tafir hafa orðið á smíði skipanna í skipasmíðastöð í borginni Rongcheng í Kína og ekki liggur fyrir hvenær þau verða afhent. Greint var frá samningi um smíði skipanna í byrjun júní 2014 og var þá ráðgert að þau yrðu afhent á árinu 2016. Skipin voru sjósett 19. apríl í fyrra, en þau eru hönnuð af verkfræðistofunni Skipasýn og eru um 50 metra löng og 13 metra breið.

Í Gulahafi. Skipin drógu trollin vel að sögn skipstjóra Breka.
Í Gulahafi. Skipin drógu trollin vel að sögn skipstjóra Breka.

Fá og tiltölulega smá verk standa enn út af

„Augljóst er að Breki og Páll koma ekki hingað til lands fyrr en komið er árið 2018 en best er í ljósi reynslunnar að nefna engar frekari tímasetningar að sinni. Það hefur dregist úr hömlu að ljúka því sem eftir er!“ segir á vef VSV. Fá og tiltölulega smá verk standa enn út af, en í lokin verða skipin tekin í slipp á nýjan leik til að ljúka við að mála þau áður en þeim verður siglt heim á leið.

Magnús Ríkharðsson, skipstjóri á Breka VE, er nýkominn frá Kína og tók þátt í reynsluveiðum á báðum íslensku togurunum. Hann segir í samtali við vef Vinnslustöðavrinnar að skipin hafi reynst mjög vel.

„Við sigldum um 30 mílur út á Gulahaf, mitt á milli Kína og Suður-Kóreu, og vorum þar bæði í góðviðri og í kalda sem Kínverjar kölluðu reyndar brælu. Þannig gátum við prófað veiðar við mismunandi veðurskilyrði á miðunum. Skipin drógu trollin vel og það kom ágætlega út þegar prófað var að beygja skipunum á meðan togað var,“ er haft eftir Magnúsi.

Afurð Dags. Meðalverð
Gellur 6.12.17 706,00 kr/kg
Þorskur, óslægður 15.12.17 223,58 kr/kg
Þorskur, slægður 15.12.17 239,16 kr/kg
Ýsa, óslægð 15.12.17 253,10 kr/kg
Ýsa, slægð 15.12.17 186,88 kr/kg
Ufsi, óslægður 15.12.17 70,79 kr/kg
Ufsi, slægður 15.12.17 83,67 kr/kg
Djúpkarfi 7.12.17 79,00 kr/kg
Gullkarfi 15.12.17 261,54 kr/kg
Litli karfi 14.12.17 0,00 kr/kg

Fleiri tegundir »

16.12.17 Ásdís ÍS-002 Dragnót
Skarkoli 391 kg
Ýsa 327 kg
Þorskur 39 kg
Steinbítur 4 kg
Lúða 2 kg
Þykkvalúra / Sólkoli 1 kg
Samtals 764 kg
16.12.17 Sandfell SU-075 Lína
Ýsa 3.622 kg
Þorskur 276 kg
Keila 52 kg
Karfi / Gullkarfi 5 kg
Samtals 3.955 kg
16.12.17 Eskey ÓF-080 Línutrekt
Þorskur 2.565 kg
Ýsa 795 kg
Karfi / Gullkarfi 67 kg
Keila 7 kg
Hlýri 4 kg
Samtals 3.438 kg

Skoða allar landanir »