Rækjuveiðar verði ekki heimilaðar

Hafrannsóknastofnun leggur til að rækjuveiðar verði ekki heimilaðar í Arnarfirði og í Ísafjarðardjúpi á fiskveiðiárinu 2017/2018. Segir í tilkynningu frá stofnuninni að þetta sé gert í samræmi við varúðarsjónarmið.

Samkvæmt stofnmælingu sem gerð hafi verið í haust sé stærð rækjustofnsins í Arnarfirði í sögulegu lágmarki og undir varúðarmörkum.

Vísitala veiðistofns rækju í Ísafjarðardjúpi hafi farið lækkandi frá árinu 2012 og nú í haust verið undir varúðarmörkum stofnsins.

„Lítið var af þorski í fjörðunum en magn ýsu var svipað og haustið 2016,“ segir á vef stofnunarinnar.

• Blogga um frétt