Nýtt veiðigjaldakerfi samþykkt á Grænlandi

Heildarálagning í nýja veiðigjaldakerfinu 2018 er áætluð um það bil ...
Heildarálagning í nýja veiðigjaldakerfinu 2018 er áætluð um það bil 380 milljónir danskra króna. mbl.is/Eggert

Grænlenska þingið samþykkti í dag með yfirgnæfandi meirihluta nýtt veiðigjaldakerfi sem mun leysa núverandi lög af hólmi frá 1. januar 2018.

Í nýja kerfinu verður gjald innheimt af úthafsveiðum á rækju, grálúðu, þorski, karfa, ufsa, ýsu og uppsjávarfiski, makríl, loðnu, kolmunna, síld og gulllaxi. Í strandveiðum verður fyrst um sinn einungis innheimt gjald af rækju og grálúðu, samkvæmt upplýsingum frá Hilmari Ögmundssyni, sem starfar sem sérfræðingur í grænlenska fjármálaráðuneytinu og sem ráðgjafi ráðherra.

Veiðigjald verður reiknað sem fast hlutfall af heildartekjum hvers skips án afsláttar fyrir aðrar tegundir en uppsjávarfisk.

Innheimta hlutfall af löndunarverðmæti

Kerfið gengur út á að innheimt er hlutfall af löndunarverðmæti til fiskvinnslu í Grænlandi og verður það 5% ef meðalverðið fer yfir átta krónur danskar (130 kr. íslenskar) á kíló. Ef verðið er undir átta krónum er aðeins innheimt lágt grunngjald eða fimm aurar danskir (0,8 kr. íslenskar) á kíló.  

Ef um beinan útflutning frá skipum er að ræða og útflutningsverð á kíló er að meðaltali tólf krónur danskar (196 kr. íslenskar) greiðast tveir aurar danskir (3,3 kr. íslenskar) á kíló. Ef meðalverðið er 12-17 krónur (196-277 kr. íslenskar) er gjaldið 5% af útflutningsverðmæti, en eftir 17 krónur hækkar gjaldið um 1% þangað til gjaldprósentan er 17,5%. það svarar til 29,5 danskra króna (481 kr. íslenskrar) meðalútflutningsverðs á kíló og verður prósentan föst eftir það.

Halli hefði orðið á fjárlögum

Heildarálagning í nýja veiðigjaldakerfinu 2018 er áætluð um það bil 380 milljónir danskar (6,2 milljarðir íslenskar) sem er 70 milljóna danskra (1,1 milljarðs íslenskra) hækkun frá áætlun 2018 samkvæmt eldri veiðigjaldalögunum.

Að sögn Hilmars var mikilvægt að frumvarpið yrði samþykkt þar sem búið var að gera ráð fyrir tekjuaukanum á fjárlögum 2018. Áætlaður afgangur á fjárlögum 2018 er 10 milljónir danskar (163 milljónir íslenskar). Hefði nýja veiðigjaldafrumvarpið ekki verið samþykkt hefði orðið um það bil 60 milljóna danskra (978 milljóna íslenskra) halli á fjárlögum.

Ítarlega var fjallað um veiðigjaldafrumvarpið í Morgunblaðinu á laugardag.

mbl.is
Afurð Dags. Meðalverð
Gellur 6.12.17 706,00 kr/kg
Þorskur, óslægður 11.12.17 242,78 kr/kg
Þorskur, slægður 11.12.17 258,42 kr/kg
Ýsa, óslægð 11.12.17 247,27 kr/kg
Ýsa, slægð 11.12.17 230,61 kr/kg
Ufsi, óslægður 11.12.17 67,82 kr/kg
Ufsi, slægður 11.12.17 93,07 kr/kg
Djúpkarfi 7.12.17 79,00 kr/kg
Gullkarfi 11.12.17 149,96 kr/kg
Litli karfi 6.12.17 11,00 kr/kg

Fleiri tegundir »

13.12.17 Indriði Kristins BA-751 Lína
Þorskur 10.102 kg
Ýsa 371 kg
Steinbítur 5 kg
Keila 3 kg
Samtals 10.481 kg
13.12.17 Manni ÞH-088 Plógur
Kúfiskur / Kúskel 301 kg
Samtals 301 kg
13.12.17 Blíða SH-277 Plógur
Ígulker 1.356 kg
Samtals 1.356 kg
13.12.17 Særún EA-251 Lína
Ýsa 3.396 kg
Þorskur 861 kg
Samtals 4.257 kg
13.12.17 Hafborg EA-152 Dragnót
Þorskur 6.963 kg
Skarkoli 39 kg
Steinbítur 32 kg
Ýsa 25 kg
Þykkvalúra / Sólkoli 8 kg
Samtals 7.067 kg

Skoða allar landanir »