Rannsóknarnefnd samgönguslysa hefur gefið út skýrslu um atvik sem varð á Breiðafirði fyrr á þessu ári. Þá munaði minnstu að verulega ofhlaðinn bátur, Hjördís HU 16, sykki en um borð voru tveir menn.

Báturinn er rúm 10 brúttótonn og hleðsla umfram burðargetu hans reyndist vera 4,5 tonn. Skipstjórinn taldi hins vegar að burðargeta bátsins væri nægileg miðað við aðstæður.

Björgunarskipið Björg frá Rifi kom á staðinn og dró Hjördísi til hafnar. Áður hafði fiski verið fleygt fyrir borð til að létta bátinn, að því er fram kemur í umfjöllun um mál þetta í Morgunblaðinu í dag.

Frétt af mbl.is

Svöruðu ekki á neyðarrásinni

„Ofhleðsla báta er mjög alvarlegt mál sem virðist því miður vera allt of algengt. RNSA hvetur fjölmiðla, samfélagsmiðla og aðra til að hætta því að upphefja háttsemi sem þessa, það er ofhleðslu báta, sem hetjudáð og/ eða afrek,“ segir meðal annars í skýrslu rannsóknarnefndarinnar um atvikið.

Í orðunum hér að framan er nefndin að vísa til þess að alloft birtast í fjölmiðlum myndir af drekkhlöðnum bátum að koma til hafnar.

Ítarlegri umfjöllun birtist í Morgunblaðinu í dag.

Tengdar fréttir

Smábátaveiðar

Ánægður með nýja Sigrúnu Björk ÞH

• Lokun Skápsins tvímælalaust að skila sér
• „Leggjum línuna hvenær sem veður leyfir“
• Náðu 10 tonnum í mokveiði
• Fordæma vinnubrögð og mótmæla tillögum

» Fleiri tengdar fréttir