Möguleikar á að efla viðskipti við Nígeríu

Guðlaugur Þór Þórðarson utanríkisráðherra mun skrifa undir samstarfsyfirlýsingu EFTA og Nígeríu um fríverslunarmál á ráðherrafundi Alþjóðaviðskiptastofnunarinnar í Buenos Aires í Argentínu, sem nú stendur yfir.

Guðlaugur Þór segir að með yfirlýsingunni skapist möguleikar á að efla viðskipti við Nígeríu að nýju, en dregið hefur úr útflutningi þangað síðustu ár í kjölfar efnahagslægðar og verndarráðstafana nígerískra stjórnvalda.

Í tilkynningu frá utanríkisráðuneytinu segir að hann telji mikil tækifæri felast í því að dýpka samstarf EFTA og Nígeríu á þennan hátt. Nígería sé eitt helsta viðskiptaland Íslands og um leið aðalmarkaðurinn fyrir þurrkaðar fiskafurðir.

Í sam­tali við 200 míl­ur fyrr í ár sagði Halldór Smári Ólafs­son, fram­leiðslu­stjóri Haustaks á Reykja­nesi, að markaður­inn í Níg­er­íu hafi reynst erfiður und­an­far­in ár. Þar sé slæmt efna­hags­ástand og toll­ar hafi verið aukn­ir. Verð á skreið til Níg­er­íu hafi því lækkað um 50% og sé enn í lægð.

Frétt af mbl.is

„Verður ekki mikið íslenskara“

Guðlaugur talaði þá einnig fyrir því að lokið yrði við gerð samnings um að draga úr ríkisstyrkjum til ósjálfbærra og skaðlegra fiskveiða:

„Ég lagði áherslu á að skilaboð ráðherrafundarins væru skýr um að lokið verði við gerð samnings um að draga úr ríkisstyrkjum til ósjálfbærra og skaðlegra fiskveiða strax á næsta ári svo samningurinn geti tekið gildi fyrir árið 2020, eins og kveðið er á um í Heimsmarkmiðum Sameinuðu þjóðanna,“ sagði Guðlaugur Þór.

• Blogga um frétt