Leggja til 285 þúsund tonna kvóta

Hafrannsóknastofnun leggur til að loðnuafli á yfirstandandi fiskveiðiári verði ekki meiri en 285 þúsund tonn. Þetta kemur fram í tilkynningu frá stofnuninni, sem beðið hefur verið með óþreyju undanfarna daga.

Lestu meira

Menn alls staðar varir við loðnu

Um er að ræða lækkun frá síðasta ári, en þá hljóðaði lokatillaga Hafrannsóknastofnunar upp á 299 þúsund tonn.

Samtals veiddust þá tæplega 300.000 tonn af loðnu, sem er langt undir meðalveiði frá því loðnuveiðar hófust, en veiðin á síðasta ári fór fram í febrúar og mars á íslenska landgrunninu. Nánast eingöngu var veitt í nót.

Veiðar á yfirstandandi vertíð hófust í fyrstu viku janúar og var veiðin í janúar bundin við svæðið fyrir norðaustan og austan land. Samtals var landað um 65.000 tonnum í janúar.

Frétt af mbl.is

Beðið með óþreyju eftir Hafró

• Blogga um frétt