Líkan sem norskir vísindamenn hafa þróað og sýnir hvernig erfðaeiginleikar eldislax hafa áhrif á villta laxastofna snýst eingöngu um norskan eldislax og norskan villilax, segir í tilkynningu frá Icelandic Wildlife Fund. Það nær ekki yfir áhrif erfðablöndunar eldislax af norskum stofni við íslenska laxastofna.

Tilefnið er frétt í norska blaðinu Dagens Næringsliv um að næstum engar breytingar sjáist á 50-100 árum í stærð laxa, framleiðslu árinnar eða endurheimtum úr sjó þótt þangað gangi eldislax sem nemur 5-10% af stofni árinnar. Kevin Glover prófessor sem stjórnaði gerð líkansins staðfesti í samskiptum við Icelandic Wildlife Fund að líkanið ætti ekki við um aðstæður á Íslandi. Eldi á norskum ræktuðum laxi á Íslandi feli í sér aukna áhættu vegna viðbótar erfðafræðilegra þátta sem ekki er tekið tillit til í líkaninu.

Icelandic Wildlife Fund hafnar því alfarið í yfirlýsingu sinni að tilraun um áhrif erfðablöndunar norsks eldislax á villta laxastofna fari fram í íslenskri náttúru.

Tengdar fréttir

Fiskeldi

„Margt hefur nú ekki beinlínis verið til fyrirmyndar“

• Segir nýtt frumvarp gefa eldisfyrirtækjum auðlindir
• Laxey fær sex milljarða
• Fjárfestingin 115 milljarðar króna
• Bátur Arnarlax verður fyrsti sinnar tegundar

» Fleiri tengdar fréttir