Þóra og Aðalsteinn yfirheyrð í gær
Karítas Ríkharðsdóttir
Setja bókamerki
Þóra Arnórsdóttir, ritstjóri Kveiks á Ríkisútvarpinu, og Aðalsteinn Kjartansson, blaðamaður á Stundinni, voru boðuð og mættu í yfirheyrslu hjá lögreglunni á Norðurlandi eystra í gær.
Þetta staðfesta þau bæði í samtali við mbl.is.
/frimg/1/32/47/1324721.jpg)
Þá voru Þórður Snær Júlíusson, ritstjóri Kjarnans, og Arnar Þór Ingólfsson, blaðamaður á Kjarnanum, yfirheyrðir fyrr í mánuðinum.
Fjölmiðlamennirnir fjórir hafa allir stöðu sakbornings í máli þar sem brotið var á kynferðislegri friðhelgi Páls Steingrímssonar, skipstjóra hjá Samherja.
Sakarefni liggur ekki fyrir
Málið tengist stuldi á síma Páls, á meðan hann lá þungt haldinn á sjúkrahúsi eftir eitrun. Gögn úr síma hans rötuðu í fréttir sem birtust á Stundinni og í Kjarnanum.
/frimg/1/27/67/1276775.jpg)
Meint aðkoma hvers og eins fjölmiðlamanns að brotinu liggur ekki fyrir.
Þóra Arnórsdóttir segir í samtali við mbl.is að yfirheyrslan hafi verið heldur furðuleg upplifun. „Það verður að minnsta kosti afar undarlegt ef meira verður úr þessu máli,“ segir Þóra.
Hún segir að hún hafi mestmegins verið spurð út í hluti sem hún gæti ekki tjáð sig um, vinnu sinnar vegna. Hún segir að hvergi hafi komið fram hvað nákvæmlega henni sé gefið að sök. „Mér hefur ekki verið kynnt sakarefni neitt frekar – sem er mjög undarlegt.“
Bæði Þóra og Aðalsteinn höfðu áður látið reyna á lögmæti boðunar þeirra í yfirheyrslu en Landsréttur úrskurðaði boðunina réttmæta.
/frimg/7/14/714452.jpg)
Áverkar bentu til manndráps
Átta morðmál á aðeins tólf mánuðum
Myndskeið: „Fólk var komið ískyggilega nálægt“
Sáttur við sína stöðu og finnur fyrir meðbyr
Myndir: Reynir við heimsmet í Hlíðarfjalli í dag
Lögreglan rannsakar andlát konu í fjölbýlishúsi
Baldur: „Ég ætla að svara þessu kalli“
Tæknideild komin norður vegna andlátsins