Getur fjórhjóladrif komið í staðinn fyrir vetrardekk?

Getur verið að fjórhjóladrif hafi svo mikil áhrif í snjó að fjórhjóladrifinn bíll á sumardekkjum sé betri kostur í vetrarfærð en framhjóladrifsbíll á vetrardekkjum?

Stutta svarið er: „Nei.“

Engu að síður er þetta spurning sem margir spyrja sig þegar hausta tekur, samkvæmt frétt FÍB.

Til að útskýra muninn vísar FÍB í prófun sem breska bílablaðið Autocar gerði, með tveimur Skoda Yeti bílum, öðrum fjórhjóladrifnum á sumardekkjum en hinum framhjóladrifnum á vetrardekkjum.

Niðurstöðurnar voru í grunninn þær að fjórhjóladrifsbíllinn átti auðveldara með að taka hratt af stað, en bíllinn sem var á vetrardekkjum átti miklu betra með að bremsa og hélt betur veggripi í beygjum.

Til að sjá muninn með eigin augum getur þú skoðað meðfylgjandi myndband:

• 1 blogg um fréttina

Bloggað um fréttina

• Birgir Þór Bragason: Með fjórhjóladrifi í fólksbílum fjölgar árekstrum í hálku...