Haakon nokkrum Bredrup í Tromsö í Norður-Noregi óraði ekki fyrir því er hann auglýsti gamla Volkswagenbjöllu á söluvefnum Finn.no að hann yrði búinn að selja hana fimm mínútum seinna.
Reyndar var hér ekki um einhverja venjulega bjöllu að ræða, heldur sextíu ára gamla. Yfir Bredrup rigndi tilboðum í bílinn sem hann keypti á námsárum sínum í München í Þýskalandi árið 1967 og hafði átt allar götur upp frá því.
„Síminn hringdi eftir aðeins fimm mínútur og náunginn, sem býr í Ósló, vildi kaupa gripinn,“ segir Bredrup í blaðinu Nordlys.