MAX1 Bílavaktin sem er söluaðili Nokian dekkja á Íslandi hefur hafið samstarf við Bleiku slaufuna. Í október og nóvember mun hluti ágóða af sölu Nokian dekkja renna til átaksins og verður Bleika slaufan til sölu á öllum verkstæðum MAX1 en þau eru fjögur, þrjú í Reykjavík og eitt í Hafnarfirði.
Á meðan samstarfinu stendur mun MAX1 jafnframt bjóða viðskiptavinum 20% afslátt af dekkjum. Bleika slaufan er árvekniátak Krabbameinsfélags Íslands en slaufan er tákn Krabbameinsfélagsins í baráttunni gegn krabbameini í konum.
Sigurjón Árni Ólafsson, framkvæmdastjóri MAX1 segir að með samstarfinu vilji fyrirtækið sýna samfélagslega ábyrgð með því að vekja athygli á mikilvægum málstað. Reglulegt eftirlit hjá Krabbameinsfélagi Íslands sé mikilvæg forvörn í baráttunni gegn krabbameini. Með því væri hægt að koma í veg fyrir mörg alvarleg tilfelli.
„Þetta málefni skiptir miklu máli, ekki einungis fyrir konur heldur einnig fyrir karla. Við eigum öll konur í okkar lífi sem við þurfum að hvetja til að mæta í reglulegt eftirlit. Það getur skipt öllu.“ segir Sigurjón Árni í tilkynningu.