Þótt ekkert hafi verið getið um það opinberlega af hálfu Volkswagen þá ganga kraftmiklar sögur fjöllum hærra af því að ný útgáfa af Golf sé í vændum. Og það enginn smábíll heldur kraftmesti Golf sögunnar.
Bíll þessi gengur undir nafninu Golf R420 og skírskotar það til vöðvabúntsins sem verður í vélarhúsi bílsins. Vélin verður sem sagt 420 hestöfl, ekkert minna!.
Talið er að vélin í þessari smávöxnu eldflaug verði tveggja lítra, eins og í Golf GTI-bílnum, fjögurra strokka og með forþjöppu. En samt sem áður mun öflugri en vélin í Golf GTI Performance sem er 230 hestafla. Til samanburðar var vélin í Golf R400 hugmyndabílnum sem frumsýndur var á bílasýningunni í Peking í vor 20 hestum aflminni.
Audi hefur áformað að hleypa af stokkum á næsta ári um það bil 300 hestafla RS3. Og nú staðhæfa ýmsir miðlar að Volkswagen muni þá hefja smíði á Golf R400. Og verði R420 að veruleika síðar verður hann gott snarpari en R400 sem er þó sagður munu þurfa aðeins 3,9 sekúndur til að komast upp í 100 km/klst hraða úr kyrrstöðu.
Til að nýta þessa miklu krafta er fjórhjóladrif óhjákvæmilegt í Golf R420.
agas@mbl.is