Setja bókamerki
Bifreiðaumboðið Hekla kynnir nýjan Volkswagen Touareg næstkomandi laugardag milli kl. 12 og 16 í húsakynnum sinum við Laugaveg.
„Hinn nýji Touareg er merkisberi þýskra gæða, hugvits og þæginda Í VW Touareg felast framúrskarandi þýsk gæði, hugvit og þægindi. Valmöguleikarnir eru nær ótakmarkaðir í Touareg og hægt er að sérsníða hann að eigin óskum,“ segir í tilkynningu vegna sýningarinnar.
Þar segir einnig, að öflugar V6 3.0 TDI vélar í samvinnu við 4Motion fjórhjóladrifið komi ökumanninum auðveldlega yfir holt og hæðir og með íslensku leiðsögukerfi í margmiðlunartæki eigi hann líka auðvelt með að rata tilbaka.
Í VW Touareg er hægt að fá loftpúðafjöðrun fyrir malarvegina og Panorama sólþak. Með R-Line pakka fær Touareg sportlegt yfirbragð með R-line stuðara og framgrilli, krómstútum á púströrum, vindskeið, Alcantara leðursætum og fleiru. Hægt er að auðvelda sér aksturinn með bílastæðaaðstoð, utanvegaaðstoð, sjálfvirkri stýringu á aðalljósum, hliðarvara og akreinavara, lyklalausu aðgengi, bakkmyndavél, 360 gráðu myndavél og snertilausri opnun á afturhlera svo fátt eitt sé nefnt.
