Lamadýrin lömuðu umferðina

Lamadýrin virtu engar mannanna umferðarreglur.
Lamadýrin virtu engar mannanna umferðarreglur.

Lögreglan í Sun City í Arizonaríki í Bandaríkjunum fékk heldur óvenjulegt viðfangsefni í gær.

Lamadýr höfðu sloppið út úr heimkynnum sínum í garði nokkrum í borginni og hófu nokkuð hættulegt ferðalag eftir götum borgarinnar.

Eltust bílar lögreglunnar við dýrin lengi vel og minntu um fátt á gamla kúreka sem snarað hefðu dýrin tvö til hlýðni. Á endanum hafði lögreglan þó erindi sem erfiði en hjálagt myndskeið gefur góða sýn af eltingaleiknum.

mbl.is