Síðastliðinn laugardag bauð bílaumboðið Hekla áhugasömum að koma og kynna sér nýjustu kynslóð Volkswagen Touareg.
Öflugar V6 3.0 TDI vélar í samvinnu við 4Motion fjórhjóladrifið koma ökumanninum auðveldlega yfir holt og hæðir, segir í tilkynningu, og með íslensku leiðsögukerfi á hann líka auðvelt með að rata tilbaka.
Í VW Touareg er hægt að fá loftpúðafjöðrun fyrir malarvegina og Panorama-sólþak svo að sólin skíni örugglega á farþega. Þá er einnig fáanlegur svokallaður R-Line pakki en með honum fær Touareg sportlegt yfirbragð með R-line stuðara og framgrilli, krómstútum á púströrum, vindskeið, Alcantara-leðursætum og fleiru. Hægt er svo að gera aksturinn enn auðveldari með bílastæðaaðstoð, utanvegaaðstoð, sjálfvirkri stýringu á aðalljósum, hliðarvara og akreinavara, lyklalausu aðgengi, bakkmyndavél, 360 gráðu myndavél og snertilausri opnun á afturhlera svo fátt eitt sé nefnt.
Þetta og ýmislegt fleira kynntu gestir sér á laugardaginn var í Heklu.
jonagnar@mbl.is