Ford C-MAX fjölnotabíll ársins í Danmörku
Setja bókamerki
Ford C-MAX hefur verið valinn fjölnotabíll ársins (MPV) í Danmörku. Í umsögn um bílinn kom fram að hann búi yfir einstakri blöndu af aksturseiginleikum, fallegu innanrými, stílhreinni hönnun og svo væri hann jafnframt á mjög góðu verði.
Ford C-MAX er rúmgóður 5 sæta fjölskyldubíll þar sem auðveldlega er hægt að færa sætin til og nægt geymslupláss er fyrir allt sem fylgir nútíma fjölskyldum. Ford C-MAX er ekki einungis notendavænn og hugvitssamlega hannaður heldur er útlit hans líka sérlega fallegt. Ford C-MAX er með þægilegt innstig og því er sérlega gott að ganga um bílinn. Ökumaður situr hærra og stígur því út úr bílnum en ekki upp úr bílnum. Sama gildir þegar ökumaður sest inn. Auk þess sitja farþegar jafnframt hátt í bílnum og það er einmitt það sem svo margir bílkaupendur sækjast eftir í dag.
„Ford C-MAX er fáanlegur með margverðlaunuðu Ford EcoBoost vélinni sem hefur verið valin vél ársins þrjú ár í röð. Vélatækni gegnir lykilhlutverki í nýjum Ford C-MAX. Hún hjálpar við að draga úr rekstrarkostnaði og losun en skilar á sama tíma krafti og góðum afköstum. Nýja beinskipta EcoBoost bensínvélin í Ford C-MAX skilar 125 hestöflum. Hún eyðir einungis 5,1 l/100 km í blönduðum akstri og losar aðeins 117 g/km af koltvísýring,“ segir í tilkynningu frá Brimborg, umboðsaðila Ford á Íslandi.
